Ólafsgeisli 14

Fasteignasalan TORG kynnir:  **Einstök staðsetning, frábært útsýni** Glæsileg sérhæð á eftirsóttum útsýnisstað í Ólafsgeisla Grafarholti. Um er að ræða 252,9fm eign á tveimur hæðum og þar af er bílskúr 25,9fm2. Stórar svalir, verönd og frábært útsýni yfir golfvöll G.R, borgina og falleg náttúra umlykur einnig húsið. Eignin er mjög vönduð  og allar innréttingar og skápar eru samrýmdar. Eikarparket og flísar er á gólfum og gólfhiti er í allri eigninni. Stofurnar eru tvær og svefnherbergin þrjú og auðvelt að bæta við 4ja herberginu (var teiknað þannig).  Á neðri hæðinni er í dag hjónasvíta með fataherbergi og baðherbergi og einnig rúmgóðu sjónvarps/fjölskyldurými. Sjón er sögu ríkari. Allar nánari upplýsingar veitir Hafdís Rafnsdóttir löggiltur fasteignasali gsm 820-2222 eða hafdis@fstorg.is
Almennt:  Um er að ræða 252,9 fm sérhæð á tveimur hæðum með 25,9fm bílskúr  byggt árið 2002.
Aðkoma: Bílastæði við húsið eru hellulögð  með hitalögnum/snjóbræðslu og falleg lýsing er á húsinu. 
Innra fyrirkomulag: Forstofa: komið er inn í rúmgóða forstofu með góðum fataskápum með rennihurðum sem ná uppí loft og flísum á gólfi. Falleg rennihurð aðskilur forstofu frá íbúðarrými.
Stofa/borðstofa: Stofa og borðstofa eru samliggjandi og bjartar með eikarparketi á gólfi, innfelldri lýsingu, gólfsíðum gluggum. Útgengt er á mjög rúmgóðar svalir með frábæru útsýni yfir golfvöll G.R og fallega náttúru.
Eldhús: Eldhúsið í eigninni er sannkallað veislueldhús. Falleg eikarinnrétting með góðu skápaplássi, stórri eyju og granít á öllum borðum. Parket er á gólfi. Tvöfaldur ísskápur og uppþvottavél fylgja með. Mjög stór og falleg gaseldavél með tvöföldum ofni. Kaffivél frá Miele er innbyggð og einnig er örbylgjuofn innbyggður. Innfelld lýsing og opið er inn í stofu og borðstofu frá eldhúsi.
Aðalbaðherbergi: Vel útbúið baðherbergi með flísum á gólfi og veggjum, bæði stór sturta með glerskilrúmi og gott hornbaðkar eru á baðherberginu ásamt innréttingu með tveimur handlaugum, stórum spegli og fallegri lýsingu. Gluggi er á baðherberginu og vönduð blöndunar og hreinlætistæki.
Svefnherbergi: Á efri hæðinni eru tvö mjög rúmgóð svefnherbergi (voru teiknuð þrjú og auðvelt að breyta til baka) bæði með parketi á gólfi og glæsilegu útsýni. 
Þvottaherbergi: Afar rúmgott þvottaherbergi með innréttingu með mjög góðu skápaplássi og vaski og flísum á gólfi. Geymsla: innaf  þvottaherberginu er rúmgóð geymsla.
Neðri hæð: Gengið er niður hringstiga frá stofu niður á neðri hæð eignarinnar.
Sjónvarps/fjölskyldurými: komið er niður í rúmgott rými sem er tilvalið fyrir sjónvarpið eða fjölskyldurými. parket er á gólfi.
Hjónasvíta: Rúmgott og bjart hjónaherbergi með parketi á gólfi og útgengt út á aflokaða timburverönd sem falleg náttúra umlykur. Innaf hjónaherberginu er mjög vel útbúið fataherbergi með góðum innréttingum og baðherbergi sem er flísalagt í hólf og gólf og með sturtu, innréttingu, upphengdu salerni og handklæðaofni.
Bílskúr: Bílskúrinn  er 25,2 fm með vatni, rafmagni, hillum og rafmagnshurðaopnara.
Niðurlag: þetta er virkilega vönduð og falleg sérhæð með frábæru útsýni úr nánast öllum gluggum eignarinnar m.a. yfir golfvöll G.R og fallega náttúru. Mjög friðsælt er við húsið sem er í botnlanga og eignin liggur ekki við neina götu. Mikil náttúrufegurð er allt í kring og góðir göngu og hjólastígar umlykja Grafarholtið. Örstutt er í skóla og leikskóla. Allar nánari upplýsingar veitir Hafdís Rafnsdóttir löggiltur fasteignasali gsm 820-2222 eða hafdis@fstorg.is