Urðarbrunnur 66

RE/MAX & HERA BJÖRK Lgf. (herabjork@remax.is  / 774-1477 ) kynna: 
Vel staðsett, vandað og vel skipulagt 5 herbergja fullbúið raðhús á 2 hæðum með innbyggðum bílskúr við Urðarbrunn 66 í Úlfarsárdal. Útgengi út á rúmgóða verönd til suðvesturs með skjólveggjum, geymsluskúr og heitum potti.

* 3 rúmgóð svefnherbergi
* 2 baðherbergi
* Hljóðdempandi kerfisloft frá Parka
* Gólfhiti í öllu húsinu og snjóbræðsla í plani og á svölum.
* Fallegar gólfflísar frá Flísabúðinni.
* Glæsileg eldhúsinnrétting frá Fríform.
* Innihurðir frá Agli Árnasyni. 
* Skjólgóð verönd til suðurs með potti og 

** SMELLIÐ HÈR til að fá nánari upplýsingar og/eða bóka tíma í OPIÐ HÚS miðvikudaginn 2.apríl 2025 kl.18:00 **
** SMELLTU HÉR og skoðaðu HÚSIÐ í 3-D, þrívíðu umhverfi **
** SMELLIÐ HÉR til að fá söluyfirlitið sent samstundis **

Eignin er samtals 202,1 m² og samanstendur af fallegu alrými (stofa, borstofa og eldhús), 3 rúmgóðum svefnherbergjum, 2 baðherbergjum, þvottahúsi/geymslu og innbyggðan bílskúr (21,1 m²). Gólfhiti er í allri eigninni. 

Nánari lýsing efri hæðar.

Forstofa: Sérinngangur inn í snyrtilega forstofu með fataskáp og flísum á gólfi. 

Hol/gangur: Gengið inn í opið og rúmgott miðrými sem leiðir inn í allar vistarverur og alrými. Hurðir eru ljósar og á allri hæðinni eru ljósar og fallegar flísar frá Flísabúðinni. 
Gestasalerni: Flísalagt með nettri innréttingu, handlaug og upphengdu salerni. Opnanlegur gluggi.
Alrými: Opið og bjart flísalagt rými með góðri lofthæð og stórum gluggum með glæsilegtu útsýni yfir borgina til suðurs og vesturs. Eldhúsið er opið inn í borðstofu og stofu. Vönduð ljós viðarinnrétting frá Fríform með ljúflokun á skúffum og skápum. Innbyggð uppþvottavél og bakaraofn í vinnuhæ. Eyja með helluborði og háf og hægt er að sitja við endann á henni ef vill. Stofa og borstofa er bjart og rúmgott rými með útgengi út á stórar og rúmgóðar flísalagðar suðvestur svalir  (22 m²) með einstöku útsýni til fjalla og yfir borgina. Markísa yfir setusvæði og möguleiki á að setja sólskála að hluta ef vill.
Bílskúr: Úr forstofu er gengið inn í bílskúr. með rafdrifnum hurðaopnara.Bílaplanið er frágengið og hellulagt með snjóbræðslu. Rafhleðslustöð komin og tengd.

Lýsing neðri hæðar.
Gengið er niður teppalagðan steyptan stiga með gólflýsingu. 
Sjónvarpsherbergi: Er innst á gangi og gluggalaust. Auðvelt er að breyta þessu rými í fataherbergi eða svefnherbergi. 
Hjónaherbergi: Rúmgóðir 15 m² með parketi á gólfi og fataskáp. Á upphaflegum teikningum var gert ráð fyrir fataherbergi og salerni inn af herbergi og væri hægt að breyta aftur tilbaka ef vill. 
Svefnherbergi II: Er 13,9 m² með parketi á gólfi og fataskáp.
Svefnherbergi III: Er 10,6 m² með parketi á gólfi og nýtist í dag sem skrifstofa.
Baðherbergi: Flísalagt í hólf og gólf með "walk-in" sturtu, baðkari og upphengdu salerni. Handlaug og hvít innrétting, spegill með innbyggðu ljósi og hár veggskápur.
Þvottahús og geymsa: Er í sama rými en hægt að skipta upp og setja millivegg. Skolvaskur og innrétting fyrir þvottavél/þurrkara. Flísar á gólfi.
Bakgarður: Gengið út á hellulagða verönd af herbergisgangi. Rúmgott setusvæði undir svölum, heitur pottur og pallur ásamt geymsluskúr. 

Virkilega skemmtilegt og vel skipulagt raðhús í Úlfarsárdal í mikilli nánd við náttúruna sem einkennir þetta hverfi með útvistarparadísirnar Úlfarsfell, Reynisvatn og Hólmsheiði í göngufæri.  Eignin er vel staðsett í þessu nýlega og vinsæla hverfi og í mjög þægilegu göngufæri við Dalskóla, félagssvæði Fram, sundlaugina og bókasafnið. Gott aðgengi út á Vesturlandsveg og örstutt í almenningssamgöngur með strætótengingar við öll hverfi höfuðborgarsvæðisins.

Allar nánari upplýsingar um eignina veitir Hera Björk löggiltur fasteignasali í síma 774-1477 eða á netfangið herabjork@remax.is 

Um skoðunar- og aðgæsluskyldu kaupenda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill því RE/MAX skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi er af heildarfasteignamati - Einstaklingar 0,8% - Fyrstu kaupendur 0,4% - Lögaðilar 1,6%.
2. Þinglýsingargjald af kaupsamningi, veðskuldabréfi, veðleyfi og fl. 2.700 kr. af hverju skjali.
3. Lántökugjald lánastofnunar - samkvæmt gjaldskrá lánastofnunar.
4. Umsýslugjald til fasteignasölu 69.900 kr. m.vsk
__________________________
Ertu í fasteignahugleiðingum? Ég kíki til þín í spjall !
Ég hef starfað við fasteignasölu síðan árið 2016 og legg mig fram um að veita persónulega og góða þjónustu, viðhalda góðu upplýsingaflæði og vanda vinnubrögð fyrir seljendur og kaupendur. Hjá mér færðu frítt sölumat og upplýsingar um ferlið án allra skuldbindinga. Hafðu samband í dag í síma 774-1477  eða á netfangið herabjork@remax.is.