Gefjunarbrunnur 22

Trausti fasteignasala, Hallgrímur Hólmsteinsson lgfs og Kristján Baldursson lgfs kynna glæsilegt og vel skipulagt sex herbergja parhús á tveimur hæðum með innbyggðum bílskúr í þessu barn- og fjölskylduvæna hverfi. Hellulögð innkeyrsla, timbur verönd í skjólsælum garði. Gólfhiti er í öllu húsinu, gegnheilt planka parket er á gólfum og Philips Hue ljósakerfi. Harðviður er á sólpalli. Suður svalir á efri hæð, fimm herbergi, þrjú baðherbergi, hjónasvíta  og fleira prýða þessa fallegu eign. Aukin lofthæð er á báðum hæðum. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á tölvupóstfangið hallgrimur@trausti.is eða hjá Kristjáni Baldurssyni með tölvupósti á kristjan@trausti.is.

Húsið er skráð 238,0 m² og er bílskúrinn 23,1 m² samkvæmt HMS. 

Nánari lýsing eignar:
Komið er inn á flíslagt anddyri með stórum fataskáp og innangengt í bílskúrinn úr því. 
Til hægri inn af anddyri er rúmgott herbergi, gegnheilt plankaparket á gólfi.
Á neðri hæð er flísalagt baðherbergi með sturtu. 
Stofa, borðstofa og eldhús eru í stóru alrými á neðri hæð og þaðan er útgengt út á stóra harðviðarverönd með skjólveggjum allan hringinn. 
Eldhúsið er með nýlegri dökkri innréttingu, stórri eyju, rými fyrir tvöfaldan ísskáp og miklu vinnuplássi.
Stofan og borðstofa eru með gegnheilu plankaparket á gólfi og stórum gluggum sem gerir rýmið afar bjart og fallegt.  
Inn af stofu er sjónvarpsstofa með flísum á gólfi. 
Parketlagður stigi er upp á efri hæðina og eru geymsluskápar undir stiganum.
Hjónasvítan er stór og rúmgóð með flísalögðu baðherbergi með sturtu inn af ásamt rúmgóðu og miklu skápaplássi. Gegnheilt plankaparket á gólfum. 
Barnaherbergin á efri hæðinni eru þrjú og eru öll með gegnheilu plankaparketi á gólfi, öll stór og rúmgóð.
Baðherbergi á efri hæð er flísalagt með hornbaðkari.  
Útgengt er út á stórar svalir af ganginum. 
Þvottahúsið er á efri hæðinni og er það afar rúmgott en þar hafa núverandi eigendur komið fyrir stórum fataskápum fyrir börnin og eru því engir fataskápar inni í barnaherbergjum. 
Bílskúrinn er með fjarstýrðri hurðaropnun og er stór og rúmgóð geymsla í enda hans, en engu að síður er gott pláss fyrir bíl.
Bílastæðið er hellulagt og með snjóbræðslu og er snjóbræðsla að aðalinngangi. 
Lóðin er vel gróin fallegum gróðri. Blóma- og trjábeð voru sett upp af skrúðgarðyrkjufræðingi og verður afar blómlegt og fallegt yfir sumartímann. 

Hér er á ferðinni afar vel skipulagt og fallegt parhús með 4 barnaherbergjum auk hjónasvítu, þremur baðherbergjum, skjólsælum garði og á góðum stað í þessu fallega hverfi. Allar nánari upplýsingar veitir Hallgrímur Hólmsteinsson löggiltur fasteignasali í síma 896-6020 eða með tölvupósti á póstfangið hallgrimur@trausti.is eða Kristján Baldursson hdl og löggiltur fasteignasali með tölvupósti á póstfangið kristjan@trausti.is.