Giljalækur

Eignatorg kynnir: Nýtt á skrá - Sérlega notalegt, bjart og rúmgott sumarhús sem stendur á ríflega 3,3 hektara eignarlóð. Lóðin er mjög vel gróin hávöxnum trjágróðri og er skjólsæl. Á lóðinni eru undirstöður undir annað sumarhús og eru teikningar til staðar af því. Afar áhugaverð eign til ferðaþjónustustarfsemi eða hefðbundinna frístundanota. Skemmtilegir göngustígar eru inni á lóðinni.

Skv. skráningu Fasteignaskrár er húsið 61,2 fm en er nokkru stærra, eða nærri 70 fm. Lóðin er skráð 33.400 fm.

Nánari lýsing: Forstofa með teppi á gólfi. Gangur. Hjónaherbergi með tvíbreiðu rúmi og góðum skáp, lítið herbergi með koju. Baðherbergi með dúk, sturtu og glugga. Lítil geymsla með hitakút. Opið eldhús með fallegri innréttingu, borðkrók og glugga.
Rúmgóð og björt stofa með gluggum á þrjá vegu og hurð út á sólpallinn.  Tvö rúmgóð herbergi með tvíbreiðum rúmum sem gengið er í utan frá. Sólpallur er meðfram öllu húsinu með eldiviðargeymslu og geymslu fyrir grill.
Innbú fylgi með fyrir utan persónulega muni.

Skráð byggingarár hússins hjá Fasteignaskrá er árið 1966 en húsið er í raun byggt á árunum 1997 til 1998. Á árinu 2004 er húsið svo stækkað um eitt herbergi.
Lokað vatnsból er inni á lóðinni og skúr með vatnstanki aftan við bústaðinn og þar er einnig þvottavél.
Verkfæraskúr er til staðar utan við húsið og einnig lítið hús fyrir börn að leika sér í.
Undirstöður eru til staðar fyrir annað sumarhús sem til stóð að byggja en var ekki lokið við.
Skv teikningu átti það hús að vera u.þ.b. 45 fm.
Lækur rennur á lóðinni.
Gert hefur verið ráð fyrir að lagður verði ljósleiðari að húsinu. 

Allar nánari upplýsingar veitir Björgvin Guðjónsson löggiltur fasteignasali í síma 510-3500 / 615-1020 eða bjorgvin@eignatorg.is

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar - almennt kr. 0 - 95.000.- Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.