Mosavegur 5

LÓB fasteignir kynna til sölu glæsilegt sumarhús í Úthlíð, Biskupstungum. Mosavegur 5 er u.þ.b. 75m2 sumarhús, byggt árið 2006 og stendur á ca. 0.66ha leigulóð. Snyrtileg og góð eign á eftirsóttum stað í Biskupstungum. 

Í eigninni eru 2 svefnherbergi og rúmgott svefnloft yfir hluta hússins. Forstofa með svörtum flísum á gólfi. Á veggjum er timburlituð panil klæðning upp að miðjum vegg og í lofti. Á efri hæð er timburlituð panilklæðning á veggjum og lofti. Hvít eldhúsinnrétting með timburborðplötu. Opið á milli eldhús, stofu og borðstofu og er rýmið með uppteknu lofti. Baðherbergi með upphengdu salerni og sturtuklefaStór timburpallur með heitum potti.

Hliðin á eigninni er smá timburpallur sem var notaður sem körfuboltavöllur. Sá pallur var byggður fyrir tveimur árum og stendur á 15 steyptum undirstöðum.

Í Úthlíð er m.a. veitingastaður, tjaldsvæði og 9 holu golfvöllur með mjög virku félagsstarfi. Stutt í fleiri golfvelli í nágrenninu s.s. Dalbúa, Geysi og Flúðum. Steinsnar frá er hægt að stunda ýmiskonar útivist í náttúrunni til dæmis hjólreiðar og gönguferðir.

Nánari upplýsingar veitir Kristófer Ari Te Maiharoa Lögfræðingur og löggiltur fasteignasali, í síma 6956134, tölvupóstur kristo@olafur.is.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Lögmannsstofa Ólafs Björnssonar bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila, (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 3.800 af hverju skjali.
3. Lántökugjald lánastofnunar - almennt kr. 50.000 - 75.000. Sjá nánar á heimsíðum lánastofnanna.
4. Umsýsluþóknun til fasteignasölu kr. 55.000 + vsk.
5. Ef um nýbyggingu er að ræða þá greiðir kaupandi skipulagsgjald þegar það verður lagt á. Skipulagsgjaldið er 0.3% af endanlegu brunabótamati.