Eyrarflöt 18

Eyrarflöt 18 Siglufirði - Nýbygging

Vönduð og vel skipulög 4ra herbergja raðhúsaíbúð með bílskúr í byggingu við Eyrarflöt á Siglufirði - stærð 146,3 m² - þar af telur bílskúr 27,9 m²
Eignin afhendist fullbúin að utan með grófjafnaðri lóð sem og grófjafnað undir bílastæði, að innan verður hún spössluð og tilbúin fyrir málningu og innréttingar. Möl verð þar sem verönd er teiknuð.

Virkilega skemmtilegt útsýni er úr íbúðinni - Laus til afhendingar fljótlega

Eignin skiptist í forstofu, hol, eldhús og stofu í opnu rými, þrjú svefnherbergi, baðherbergi með þvottaaðstöðu, snyrtingu og bílskúr. 

Útveggir eru forsteyptar einingar. Ytri áferð eininganna kallast Loftorku perla.
Innveggir eru hlaðnir með Bauroc milliveggjasteinum.
Þak er tvíhalla úr timbri, einangrað á milli sperra með 225 mm þakull, ofan á er þakdúkur og dökk álklæðning. Loft eru tekin upp í öllum rýmum og eru þau klædd með tvöföldu gipsi.
Gluggar og útidyrahurðar eru Raionel - Auraplus Premium frá Húsamiðjunni. Timbur ál. Ytri áferð glugga er dökk en hvítir að innan. Þrefalt gler með sólstoppi er í öllum gluggum. 
Bílskúrshurð er frá Héðins hurðum og með rafdrifnum hurðaropnara. Sér gönguhurð er inn í bílskúrinn.

Hitakerfi og lagnir: Inntök, hitaveitugrind og gólfhitakista er staðsett í bílskúr. 
Neysluvatns- og gólfhitalagnir eru steyptar í plötu. Íbúðin er hituð upp með gólfhita en lagt er fyrir ofnum í forstofu og á baðherbergi. Á baðherbergi er lagt fyrir innfelldum tækjum. 
Lagnir eru frá lagnagrind og út á baklóð þar sem möguleiki er að setja heitan pott. Einnig er lagt frá lagnagrind út fyrir sökkul snjóbræðslurör fyrir bílastæði. 
Raflagnir: Rafmagnstafla verður uppsett og búið að draga í allar dósir. Lagt er fyrir innfelldri lýsingu í öllum rýmum nema bílskúr. Ídráttarrör er frá töflu og út fyrir sökkul að bílastæði fyrir mögulega rafhleðslu. 
Ídráttarrör fyrir rafmagn er út fyrir sökkul á baklóðinni.

Kaupandi greiðir skipulagsgjald eignar þegar það leggst á, 0.3% af brunabótamati eignar.