Starrahólar 8

Fasteignasalan TORG kynnir: Virkilega fallegt og mikið endurnýjað 298,2 fm einbýlishús með tveimur auka íbúðum við Starrahóla 8, 111 Reykjavík. Um er að ræða sérstaklega glæsilegt hús sem staðsett er í rólegum botnlanga við Elliðárdalinn með virkilega fallegu útsýni. Húsið er í göngufæri við Árbæjarskóla, Fylki og Árbæjarlaug. Fyrirhugað fasteignamat 2025 er 141.650.000 kr. Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is

Nánari upplýsingar: 

Efri hæð: Komið er inn í anddyri á efri hæð með góðum fataskápum og flísum á gólfi. Gestasalerni er í anddyrinu með upphengdu salerni og handlaug. Frá anddyri er gengið inn í stórt alrými. Til hægri er stofa / borðstofa, opið eldhús með eyju og virkilega fallegri arinstofu með frábæru útsýni. Eldhúsið er með fallegri nýlegri hvítri innréttingu frá HTH og raftæki frá Ormsson. Stofan og borðstofan er opin og björt og hægt að ganga bæði út á svalir til vesturs og út í bakgarð til suðurs. Gólfhiti er í alrými ásamt ofnum. Á efri hæðinni eru 5 svefnherbergi á svefnherbergisgangi. Hjónaherbergið er mjög stórt og rúmgott með útgengi út á svalir til norðurs. Tvö svipað stór barnaherbergi eru síðan við hliðina á hjónaherberginu. Fjórða svefnherbergið er aðeins minna og er í dag notað sem skrifstofa. Léttur veggur liggur á milli þessa herbergis og næsta og er veggurinn lagður ofan á parketið þannig auðveldlega er hægt að taka vegginn og opna á milli. Fimmta og síðasta svefnherbergið á efri hæðinni er mjög rúmgott með glugga á tvo vegu. Í endanum á svefnherbergisganginum er baðherbergi með "walk in" sturtu, upphengdu salerni og fallegri hvítri innréttingu. Baðherbergið var allt endurnýjað í lok árs 2023. Frá alrými er gengið niður á neðri hæðina og niður í hol með lausum bókaskápum og hljóðeinangrandi panel á veggjum. Inn af holinu er þvottahús með fallegri innréttingu þar sem gert er ráð fyrir þvottavél og þurrkara í vinnuhæð. Inni í þvottahúsinu er einnig salerni og handlaug. Innangengt er inn í bílskúr frá þvottahúsinu. Bílskúrinn er skráður 51,7 fm en búið er að innrétta svefnherbergi inni í bílskúrnum sem auðveldlega má nýta sem vinnustofu/skrifstofu.

Íbúð 1: Undir stiga efri hæðar er sérinngangur inn í íbúð 1. Komið er inn í anddyri en til hægri er gengið inn á baðherbergi íbúðarinnar. Til vinstri frá anddyri er komið inn í opið rými með stofu/borðstofu og eldhúsi. Inn af stofu/borðstofu er svefnherbergi með fataskáp. Íbúðin er í útleigu og langtíma leigusamningur getur fylgt íbúðinni. 

Íbúð 2: Vinstra megin við húsið er gengið inn um sérinngang í íbúð 2. Komið er inn í opið rými þar sem gert er ráð fyrir stofu/borðstofu og eldhús fyrir innan. í dag er rúm og sófi þar sem gert er ráð fyrir stofu/borðstofu. Fyrir innan eldhúsið er svefnherbergi og baðherbergi með sturtu, salerni og handlaug. Íbúðin er með nýtt parket, gólfhita og nýlegri eldhúsinnréttingu úr Ikea.

Endurbætur: Húsið hefur verið mikið endurnýjað að innan síðustu árin. Á árunum 2021-2024 var sett nýtt eldhús frá HTH og heimilistæki frá Ormsson. Bæði baðherbergi efri hæðar voru endurnýjuð og einnig baðherbergið í annarri leiguíbúðinni, öll blöndunartæki eru frá Tengi, flísar frá Vídd og Álfaborg. Nýtt þvottahús frá Ikea með vaski og klósetti, gert upp 2023. Nýtt parket frá Byko er í húsinu nema í leiguíbúð 1. Á efri hæð var settur gólfhiti á stofu, gang, gestasalerni, baðherbergi og í anddyri. Nýir ofnar í stofu og á gangi. Nýir ofnar verða settir í öll svefnherbergin fyrir afhendingu á húsinu. Einnig mun seljandi skipta út því gleri, þar sem móða er milli glerja, fyrir afhendingu. Allt rafmagn hefur verið yfirfarið, settir nýir tenglar, ljósarofar og sett ný öryggi í rafmagnstöflur. Nýtt kókosteppi var sett á stigann. Húsið allt málað að innan. Snjóbræðsla er í bílaplani og er rafmagnshitun í útitröppum. Hitagrind yfirfarin, nýir þrýstijafnarar ofl.  Gólfhiti er einnig í stofu og eldhúsi í leiguíbúð 2.  Að utan var farið í múrviðgerðir á austurhliðinni og tröppur múraðar. Búið er að jarðvegsskipta fyrir stærra bílastæði en ekki búið að steypa. Þak og gluggar voru málaðir af fyrri eigendum árið 2019. Þrír steyptir sökklar eru í garðinum sem áttu að vera fyrir gróðurhús, heitan pott og fl. en hafa aldrei verið nýttir.  Húsið er eins og fyrr segir 298,2 fm og eru leiguíbúðirnar tæplega 50 fm hvor og báðar með sérinngangi.  Þær hafa verið leigðar út með húsgögnum, hita, rafmagni og interneti á ca 200.000 kr á íbúð, samtals 400 þús á mánuði. Hægt er að semja um að fá innbúið með leiguíbúðunum. Auðvelt er að opna á milli og nýta húsið allt sem eina heild og getur seljandi skilað því þannig ef kaupandi vill. 
 
Endurbætur á íbúð 1: Baðherbergi var endurnýjað, flísar, rafmagnstenglar, íbúð máluð og nýtt parket í svefnherbergi en að öðru leyti er sú leiguíbúð í upprunalegu ástandi en lítur snyrtilega út. Það eru hjón sem leigja íbúðina og hafa leigusamning út mars, þau vilja endilega leigja áfram en ef það hentar ekki nýjum kaupendum þá er 3ja mánaða uppsögn á núverandi leigusamning.

Endurbætur á íbúð 2: Núverandi eigendur breyttu og bættu við annarri útleiguíbúð 2021. Í þeirri íbúð er nýtt parket, gólfhiti og ný eldhúsinnrétting úr Ikea. Sú íbúð er einnig í útleigu en verður laus við afhendingu. 

Allar nánari upplýsingar veitir Darri Örn Hilmarsson, löggiltur fasteignasali í síma: 767-0000 eða darri@fstorg.is