Dalsel 21

Trausti fasteignasala kynnir mikið endurnýjað 177,4 fm. raðhús á 3 hæðum með stæði í bílageymslu að Dalseli 21, 109 Reykjavík. Húsið skiptist þannig að á efstu hæð eru 4 svefnherbergi, baðherbergi og þvottahús. Á miðhæð er forstofa, gestasalerni, eldhús, stofa, borðstofa og útgengi á svalir. Á neðstu hæð er rúmgott herbergi og geymsla, en þar er möguleiki að útbúa útleigueiningu því allar lagnir eru til staðar. Stæði í bílageymslu er með tengi fyrir rafhleðslustöð. Inn af stæðinu er mjög rúmgóð geymsla og er hvorki hún né bílastæðið inni í fermetra tölu eignarinnar.

Nánari lýsing:
Forstofa er með flísar á gólfi.
Gestasalerni með flísar á gólfi.
Eldhús með snyrtilegri innréttingu, tengi fyrir uppþvottavél, parket á gólfi.
Stofa/borðstofa er með parket á gólfi og útgengi á svalir til vesturs.
Hjónaherbergi með fataskáp, parket á gólfi og útgengi á svalir til vesturs.
Barnaherbergin eru þrjú öll með parket á gólfi.
Baðherbergi er með snyrtilegri innréttingu, sturtu, handklæðaofni og flísum á gólfi og veggjum.
Þvottahús er með snyrtilegri innréttingu, vaski og flísum á gólfi.
Á neðstu hæð er rúmgott herbergi með útgengi út í garð. Inn af því er rúmgóð geymsla þar sem allar lagnir eru til staðar svo hægt væri að útbúa baðherbergi.
Gólfhiti er í eldhúsi og holi og frárennsli út í stétt fyrir snjóbræðslu.

Endurbætur sem núverandi eigendur hafa gert:
- Allir gluggar á framhlið hússins endurnýjaðir ásamt útidyrahurð (2023/2024).
- Þak endurnýjað fyrir alla raðhúsalengjuna. Skipt um járn og pappa og talsvert af timbri (2022).
- Múrviðgerðir og málun fyrir bakhlið hússins (2023).
- Eldhús endurnýjað og sett vönduð Samsung tæki (2022).
- Opnað á milli eldhúss og stofu; eyja/barborð útbúið (2022).
- Gólfflötur jafnaður á efstu hæð (flotað) (2022).
- Gólfefni endurnýjað. Parket og gólflistar frá Birgisson lagt í öll rými nema baðherbergin og forstofu (2022).
- Nýjar innihurðir í öll rými, einnig frá Birgisson (2022).
- Rafmagn yfirfarið. Ný rafmagnstafla og tenglar (2022).
- Ofnakerfi yfirfarið. Nýjir hitastillar og skipt um ofna að hluta til (2022).
- Öll rými máluð (2022).
- Stigagangur teppalagður (2022).
- Nýjir vaskar og blöndunartæki í bæði baðherbergin (2022).
- Heitur pottur yfirfarinn og skipt um einhverjar lagnir.
- Lagnagrind yfirfarin af GG lagnir og skipt um mótþrýstiloka (2022).
 -Myndataka á niðurfalli og frárennslislögn í kjallara; vorum að kanna hvort hægt væri að setja upp íbúð með baðhebergi þar og er það vel hægt (2022).

Nánari upplýsingar veitir Kristín María Stefánsdóttir löggiltur fasteignasali í síma 837-1177 eða tölvupósti kristin@trausti.is.