Engjateigur 17-19

Fasteignamarkaðurinn ehf. s: 570-4500 kynnir til sölu fallegt atvinnuhúsnæði með aukinni lofthæð í Listhúsinu við Engjateig 17-19 í Laugardal Reykjavík. Samkvæmt HMS er eignin skráð 47.5 fermetrara og þar af er sérgeymla í kjallara sem er 7,2 fermetrar. 

Húsnæðið, sem er á jarðhæð hússins, er eitt stórt opið rými með góðri lofthæð og þakgluggum. Aðalinngangur er úr sameign sunnan megin þar sem gengið er inn í önnur verslunar- og veitingarými, en húsið samanstendur af verslunum og veitingastað á jarðhæð og íbúðum á efri hæðu.  Einnig er sérinngangur garðmegin til norðurs og í dag er eignarhlutinn nýttur sem  skrifstofa.

Lýsing eignar:
Komið inn í eignina frá sameiginlegum snyrtilegum flísalögðum gangi.
Stórt rými, parketlagt með góðri lofthæð og þakgluggum. Skilrúm aðskilja rýmið að hluta og einföld eldhúsaðstaða með ísskáp, vaski og hillum í skáp með stórum rennihurðum á vegg. Hægt er að ganga inn í rýmið um sérinngang norðanmegin frá. 
Snyrting, er með vaski og wc. Geymslupláss með skápahurð fyrir ofan snyrtinguna og búningsaðstaða fyrir framan.

Sérgeymsla í kjallara hússins er 7,2 fermetrar að stærð.

Húsið að utan var viðgert og málað fyrir fáum árum síðan og er í góðu ástandi auk þess sem þakjárn er nýlegt.

Lóðin er fullfrágengin og virkilega góð aðkoma er að húsinu. Stórt malbikað bílaplan er fyrir framan húsið með fjölda bílastæða, hellulögð stétt og tjárgróður og baklóð er tyrfð og með trjágróðri.

Staðsetning eignarinnar er virkilega góð á grónum stað miðsvæðis í Reykjavík þaðan sem stutt er í verslanir, þjónustu, Laugardalslaug, World Class og fallegar útivistaperlur í Laugardalnum.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 
Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Er því væntanlegum kaupendum bent á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 fyrir hvert skjal.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðum lánastofnana.
4. Umsýslugjald til fasteignasölu skv. kauptilboði.