Krossalind 23

Trausti fasteignasala og Þorbjörn Geir Ólafsson löggiltur fasteignasali kynna í einkasölu eignina Krossalind 23 í Kópavogi.  

Um er að ræða einstaklega fallegt og vandað 5 herbergja parhús með bílskúr, grónum garði og stórkostlegu óheftu útsýni. Eignin er á tveimur hæðum og er alls 218,8 fm.
Aukin lofthæð er á efri hæðinni. Svalir í norður og skjólsæll sólpallur til suðurs með vönduðum flísum og skjólveggjum. Garðurinn er virkilega vel skipulagður. Fallegur og gróinn og lagður hellusteinum umhverfis tré og náttúrugrjót og er sem listaverk á að líta.  Eignin skiptist þannig að efri hæð er 80,8 fm, neðri hæð 111,4 fm og bílskúr 26,6 fm, alls 218,8 fm skv Fasteignaskrá.

Nánari lýsing:
Komið er inn í forstofu með fallegar ljósar flísar á gólfi og skáp.
Úr forstofu er hægt að ganga inn í bílskúr. Búið er að stúka bílskúrinn í tvennt með hillum og léttum vegg og gera þannig rúmgott fatahengi sem auðvelt er að taka niður. Geymsluloft er í bílskúrnum. 
Gestasnyrting með flísum á gólfi og veggjum, upphengt salerni og vönduð sérsmíðuð vaskinnrétting með granít borðplötu.
Stofa og borðstofa er í björtu og opnu alrými með útgengt út á svalir með stórfenglegu útsýni. Aukin lofthæð og innfelld lýsing í stofu og borðstofu.
Eldhús er bjart með sérsmíðaðri innréttingu, flísar á gólfi. Granít er á borðum í eldhúsi.  Í miðju rýmis er falleg eyja til eldunar og þar yfir vandaður háfur.
Rúmgóður og skemmtilegur borðkrókur er í eldhúsi sem nýtist vel.

Neðri hæð:
Sérlega vandaður og fallegur stigi með glerhandriði er á milli hæða.
4 rúmgóð, björt og falleg svefnherbergi með parketi á gólfum.
Mjög gott þvottahús með góðu vinnuplássi, hillum og hirzlum. Flísar á gólfi, tengi fyrir þvottavél og þurrkara.
Baðherbergi með vandaðri sturtu , stórt baðkar, marmari á borðum, falleg sérsmíðuð innrétting og handklæðaofn.Flísar í hólf og gólf. Öflug loftun er á baði.
Rúmgóð geymsla sem nýtt er sem fataherbergi.
Útgengt af neðri hæð út gróinn garðinn,  þar sem hægt er að ná kvöldsólinni í góðu skjóli þegar svo ber undir.

Annað: 
Bílskúrinn er flísalagður og er þar rafmagns hurðaopnari og rennandi vatn (heitt og kalt)
Öflug snjóbræðsla er á bílaplani og pallinum.
Allar innréttingar eru sérmsmíðaðar af innréttingafyrirtækinu Við og Við Innréttingar.
Steyptar tröppur eru meðfram húsi á milli efri palls og neðri.
Efri pallur snýr í suður og er mjög skjólsæll

Hér er um að ræða virkilega vandaða eign og frábært fjölskylduhús.Topp staðsetning þar sem stutt er í alla helstu þjónustu.

Nánari upplýsingar veitir Þorbjörn Geir Ólafsson Löggiltur fasteignasali, í síma 895-5198, tölvupóstur bjossi@trausti.is.