Hraunbær 100

Björt og falleg 3ja herbergja íbúð á 3. hæð í vel viðhöldnu fjölbýli í Hraunbænum, ásamt merktu bílastæði á bílaplani. ​​​​​Aukaherbergi er í kjallara sem hægt væri að nýta til útleigu. Eignin hefur fengið gott viðhald í gegnum árin, lagt var nýtt rafmagn í sameign árið 2023, skipt var um glugga á öllu húsinu haustið 2023, þak var yfirfarið fyrir 9 árum, skólp var endurnýjað fyrir 6 árum, húsið var klætt með álklæðningu á austur, vestur og suður hlið og norðurhliðin múruð og máluð, og lauk þeim framkvæmdum árið 2023. Húsið var drenað árið 2022. Eignin getur verið laus fljótlega eftir kaupsamning.

Eignin er skráð skv. Þjóðskrá Íslands alls 100,7fm og þar af er geymsla 6,8fm og aukaherbergi í kjallara 8,8fm.

Nánari lýsing:
Anddyri með flísum á gólfi.
Stofa/borðstofa björt og rúmgóð með parketi á gólfi. Útgengi á suður svalir með fallegu útsýni.
Eldhús með snyrtilegri innréttingu, innbyggðri uppþvottavél, ísskápur fylgir, ofn í vinnuhæð, helluborð, gufugleypir, flísar á milli skápa og á gólfi.
Hol rúmgott, geymsluskápur með tengi fyrir þvottavél og parketi á gólfi.
Hjónaherbergi rúmgott með góðum fataskápum upp í loft og parketi á gólfi.
Svefnherbergi með parketi á gólfi. Herbergið er í dag nýtt sem fataherbergi.
Baðherbergi með baðkari með sturtuaðstöðu, gluggi með opnanlegu fagi, snyrtileg innrétting og flísar í hólf og gólf.

Auka herbergi í sameign er 8,8fm með fataskáp, opnanlegum glugga og parketi á gólfi. Aðgengi að salerni er í sameign.
Þvottahús er í sameign í kjallara hússins.
Geymsla íbúðar er í kjallara hússins og er skráð 6,8fm.
Sérmerkt bílastæði á bílaplani.
Vagna- og hjólageymsla er í sameign í kjallara hússins.

Frábær eign á besta stað í Árbænum, stutt er í alla helstu þjónustu, árbæjarlaug og fallegar gönguleiðir í Elliðarárdal.

Allar nánari upplýsingar veita Guðbjörg G. Sveinbjörnsdóttir löggiltur fasteignasali í síma 899-5949 eða á netfanginu gudbjorg@trausti.is eða Dana Gunnarsdóttir aðstoðarmaður fasteignasala í síma 698-1879 eða á netfanginu dana@trausti.is.