Sogavegur 107

RE/MAX og Guðrún Lilja löggiltur fasteignasali kynna í einkasölu: Falleg og björt þriggja herbergja 65,5 fm. íbúð á efstu hæð með góðu útsýni á eftirsóttum stað við Sogaveg 107, 108 Reykjavík. Íbúðin skiptist í forstofu, opið hol, eldhús, borðstofu og stofu með útgengt út á vestur svalir, tvö svefnherbergi og baðherbergi með þvottaaðstöðu. Sameiginleg (úthlutuð) stæði eru fyrir framan hús.  Garður fyrir framan hús er einnig sameiginlegur.  Ath. Forstofa íbúðar (um 3 fm.) og geymsla í sameign (um 5 fm.) er ekki í uppgefnum fm.

Björt og vel skipulögð eign á fjölskylduvænum stað þar sem stutt er í leik- og grunnskóla, íþróttasvæði Víkings, sem og alla helstu þjónustu og verslanir. 

Nánari upplýsingar veitir Guðrún Lilja Tryggvadóttir, löggiltur fasteignasali í síma 867-1231, gudrunlilja@remax.is

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

Nánari lýsing:  Íbúðin er á efstu hæð og við anddyri íbúðar er stigapallur með fatahengi sem er ekki inní birtum fm. eignarinnar, en gott nýtanlegt rými.  Nýleg brunavarnarhurð er inní íbúð.   Gengið er inn í opið og bjart rými með eldhús, borðstofu og stofu.  Eldhús er nýlega endurnýjað, með fallegum hvítum innréttingum og góðu skápaplássi, FIBO plata á vegg og ofn í vinnuhæð.  Stofa og borðstofa er í sama rými, stórir og bjartir gluggar og útgengt er út á svalir til vesturs.
Svefnherbergin eru tvö, rúmgóð og björt með parketi á gólfi.  Á hægri hönd við inngang íbúðar er baðherbergi með baðkari og sturtu, ágætri vaskinnréttingu með spegli, handklæðaofn og tengi er fyrir þvottavél og þurrkara. Opnanlegur gluggi er á baðherbergi og gólf flísalagt. 
Geymsla um 5 fm. er staðsett í sameign, ekki í birtum fm. eignarinnar.  Í sameign á jarðhæð er jafnframt sameiginlegt þvottahús.
Bílastæði eru sameiginleg fyrir framan hús en venja að hver leggur í sitt úthlutaða stæði.   Garður fyrir framan hús er sameiginlegur en fyrir aftan hús er stórt grænt og fallegt útivistarsvæði, hluti af skipulagi hverfisins.

Árin 2022-2023 var eldhús endurnýjað og sett ný loftaklæðning í alrými. Skipt var um innihurðir (fyrir utan baðherbergishurð), nýtt parket á íbúð og listar (fyrir utan baðherbergi). Ofnar voru yfirfarnir og skipt um hitastilli á þeim. Skipt var um rafmagnstengla og rofa að mestu. Einnig settir nýjir nettenglar fyrir framan sjónvarp og í barnaherbergi.  2019 var húsið sprunguviðgert að hluta og málað. Þak einnig málað og þakrennur endurnýjaðar. Þak var endurnýjað að hluta (járn og pappi) 2022-2023.  Árið 2021 var stigagangur málaður og skipt um teppi. 
Nýlegur dyrasími, settur í febrúar á þessu ári.

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.