Aðalstræti 16 efri hæð

Fasteignasalan Hvammur 466 1600

Skemmtileg íbúð í Innbænum á Akureyri sem skiptist í hæð og ris - samtals 173,4 m² 
Eignin skiptist í 124,7 m² hæð (hæð+stigauppgöngu) og 48,7 m² ris. Nýtanlegir fermetrar í risi eru töluvert fleiri undir súð.

Húsið er einstaklega reisulegt timburhús, tvíbýli, sem byggt var árið 1900 og stendur á stórri eignarlóð.  Húsið var allt tekið í gegn og gert upp fyrir um 30 árum og hefur verið vel við haldið síðan og er nýlega málað að utan.  Einstök eign sem vert er að skoða.

Aðalinngangur í íbúðina er á norð-austur horni hússins og þar eru veglegar timburtröppur upp að verönd fyrir framan forstofuna. Forstofan er flísalögð og skemmtileg stigauppganga upp á hæðina.
Hæðin skiptist í þrjú herbergi, stofu, baðherbergi, eldhús, borðstofu og hol auk þess sem þvottahús er á stigapalli.
Risið er að stórum hluta eitt opið rými en þar er einnig eitt herbergi og salerni, en auðvelt væri að gera a.m.k. tvö herbergi þar til viðbótar.

Á allri íbúðinni eru verkaðar og pússaðar gólfjalir nema baðherbergi, sem er dúkalagt.
Eldhús og baðherbergi eru gerð upp í stíl sem á einkar vel við húsið og hefur öllu því gamla og virðulega við húsið verið leyft að njóta sín.  Gluggar eru stórir og því íbúðin björt.
Svalir eru út úr borðstofu til suð-vesturs.
Risið er skemmtilegt rými sem hentað getur sem stofu- skrifstofu- og samverurými eða sem herbergi.  Þakgluggar eru bæði til austurs og vesturs.
Í kjallara er sameiginleg geymsla með neðri hæð, köld geymsla undir verönd.

Lóðin er stór eignarlóð eða 2.217,0 m² að stærð og skiptist í grasflöt sunnan við húsið og nær töluvert upp í brekkuna vestan við húsið hvar áður voru matjurðargarðar.  
Eigninni fylgir einnig helmingshlutur í lóðinni við Aðalstræti 18, en íbúðirnar í Aðalstræti 16 nota þá lóð sem bílastæði.  Lóðin við Aðalstræti 18 er einnig eignarlóð.


Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.