Lynggata 1

Nýtt á skrá! Opið hús - Lynggata 1 Garðabæ - mánudaginn 12. maí klukkan 17:00 - 17:30

-- Glæsileg og vel skipulögð íbúð í lyftuhúsi með extra breiðu bílastæði í lokuðum bílakjallara --

Lind fasteignasala / Heimir Hallgrímsson lögg. fasteignasali kynnir glæsilega 102,9 fermetra 3ja herbergja íbúð á annarri hæð í lyftuhúsi með rúmgóðum svölum til suðurs við Lynggötu 1 í Garðabæ. Fallegt og vandað lyftuhús byggt árið 2018 af ÞG Verk. Íbúðin er með rúmgóðu alrými sem rúmar vel setustofu, borðstofu og eldhús með eyju. Extra breitt bílastæði í bílakjallara og búið að leggja fyrir rafhleðslustöðvum (hægt að leigja stöð). Geymsla fylgir íbúðinni sem er 8,2 fermetra stór. Snyrtileg og falleg sameign og er hjóla- og vagnageymsla staðsett á jarðhæð hússins.

Staðsetning er virkilega góð þar sem stutt er í verslanir, veitingastaði, kaffihús, leikskóla, grunnskóla og glæsileg útivistarsvæði. Oddur golfvöllur, Urriðavatn og Heiðmörk í göngufjarlægð. Vandað og skemmtilegt leiksvæði fyrir börn sunnan megin við húsið.

Nánari lýsing: 
Forstofa: Með harðparketi á gólfi og góðu fatahengi/fatarými sem er inn af forstofu.
Stofa: Er rúmgóð með harðparketi á gólfi. Rúmar vel setustofu og borðstofu. Stofa er opin við eldhús. Gluggar til suðurs. Útgengi á svalir.
Svalir: Eru rúmgóðar til suðurs og með viðarklæddu svalagólfi. 
Eldhús: Með harðparketi á gólfi og fallegri eldhúsinnréttingu frá GKS með eldhúseyju. AEG stál bakaraofn, keramik helluborð, innbyggður kæliskápur með frysti og innbyggð uppþvottavél. Lýsing undir efri skápum og gluggar til suðurs. Eldhús er opið við borðstofu og stofu.
Baðherbergi: Með flísum á gólfi og hluta veggja. Flísalögð sturta með glerþili, falleg innrétting við vask með speglaskáp fyrir ofan. Upphengt innbyggt salerni, handklæðaofn og opnanlegur gluggi til norðvesturs.
Þvottaherbergi: Er inn af baðherbergi. Innrétting (hækkun) undir þvottavél og þurrkara, skápar, hillur og útloftun.
Hjónaherbergi: Er rúmgott með harðparketi á gólfi, góðum skápum og glugga til norðvesturs.
Svefnherbergi II: Með harðparketi á gólfi, skápum og glugga til norðvesturs. 

Bílastæði í bílakjallara: Er virkilega vel staðsett og extra breitt. Snyrtilegur bílakjallari þar sem búið er að leggja grunnkerfi fyrir rafhleðslu. Hægt að leigja rafhleðslustöð

Sérgeymsla: Er 8,2 fermetrar að stærð.

Hjóla- og vagnageymsla: Er snyrtileg og er staðsett á jarðhæð hússins.

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is