Karfavogur 22

Skeifan fasteignamiðlun kynnir mjög fallegt raðhús á 2 hæðum við Karfavog 22 í Reykjavík, ásamt bílskúr.  Ræktarlegur garður sem snýr til suðurs. Afar vel staðsett eign þar sem stutt er í leik- , grunn- og framhaldsskóla. Húsið er í göngufæri við Laugardalinn og Elliðaárdalinn. Þetta hús er eitt af Sigvalda húsunum vinsælu.

Neðri hæð:

Forstofa er með flísum á gólfi, inn af því gestasnyrting. Eldhús með mjög fallegum innréttingum og tækjum, öll tæki í eldhúsi eru 1 - 2 ára gömul. Eldhúsið var endurnýjað 2004 og opnað á milli eldhúss og borðstofu.
Borðstofa er í framhaldi að eldhúsinu og er með parketi á gólfi. Tveimur þrepum neðar er stofa með nýlegum flísum á gólfi og arni. 
Inn af borðstofu er herbergi "húsbóndaherbergi" skv. teikningum og þar í framhaldi er vinnustofa/herbergi, sem var áður hluti af bílskúr. 

Þvottahús er inn af eldhúsi, ásamt geymslu, útgengt er úr þvottahúsinu út í innkeyrslu/bílastæði.  Hluti af bílskúrnum er notaður sem geymsla, aðgengi að henni er frá að innkeyrslu/bílastæði.

Hol er með stiga upp á 2. hæð, nýleg kókosteppi eru á stigaþrepum. 

Efri hæð: 

Á efri hæð hússins eru 4 svefnherbergi öll með parketi á gólfi. Góðir skápar eru í hjónaherbergi. Útgengt eru úr einu svefnherbergi út á svalir sem eru yfir öllum bílskúrnum.

Baðherbergi var endurnýjað 2006 og hannað af Gláma-Kím arkitektum. 

Geymsluherbergi er með parketi á gólfi.

Húsið hefur fengið mikið og gott viðhald af núverandi eigendum og það sem hefur gerið gert er m.a.:

Árið 2005 var heitur pottur settur upp og timburverönd í kringum pottinn.  

Árið 2007 var skipt um þakjárn og árið 2017 var bræddur dúkur yfir bílskúrsþakið.  

Árið 2022 var húsið hreinsað að utan, múrað og sprunguviðgert og málað. Skipt um timbur í svalahandriði á efri hæð.
 
Árið 2022 voru nokkrir gluggar og svalahurð á efri hæð endurnýjaðar. Skipt um stóran glugga á neðri hæð.

Árið 2024 var lagnir yfirfarnar og endurnýjaðar að hluta og skipt um ofn í stofu. 
 
Árið 2024 Voru gólfefni í stofu endurnýjað (flísar).