Smyrilshólar 4

Björt og vel skipulögð 3ja herbergja íbúð á 2. hæð í Smyrilshólum 4
Tinna Bryde löggiltur fasteignasali og Háborg fasteignasala kynna: 3ja herbergja íbúð á 2. hæð í fjölbýlishúsi við Smyrilshóla 4 í Reykjavík. Um er að ræða vel skipulagða íbúð með tveimur svefnherbergjum, þvottahúsi innan íbúðar og suðursvölum.

Nánari upplýsingar um eignina veitir Tinna Bryde löggiltur fasteignasali í síma 660-5532 eða tinna@haborg.is

Íbúðin er á 2. hæð, nr. 0202, og er skráð 83,5 fm samkvæmt skráningu HMS. Geymsla í sameign fylgir íbúðinni en er ekki inni í uppgefnum fermetrum eignarinnar.
Skipulag eignar:
Komið er inn í flísalagða forstofu með fataskáp og gólfhita.
Eldhús er með innréttingu og tengi fyrir uppþvottavél. Inn af eldhúsi er þvottahús með innréttingu.
Stofa er rúmgóð og björt með útgengi út á suðursvalir.
Svefnherbergin eru tvö, annað þeirra með fataskáp. Úr svefnherbergjum og eldhúsi er útsýni yfir borgina í átt að Esju. 
Baðherbergi er flísalagt með innréttingu, upphengdu salerni og baðkari með sturtuaðstöðu.
Parket er á stofu og svefnherbergjum en flísar á votrýmum.

Framkvæmdir og viðhald:
Samkvæmt upplýsingum frá eiganda hafa eftirfarandi framkvæmdir farið fram á undanförnum árum:
-  Skipt hefur verið um alla ofna í íbúðinni, sá nýjasti settur upp snemma árs 2024.
-  Þak hússins var endurnýjað sumarið 2024.
-  Húsið var múrviðgert og málað að utan 2019
-  Skipt var um hluta af innstungum og ljósrofum sumarið 2019.

Sameign:
Í húsinu eru 7 íbúðir. Í sameign er m.a. sameiginlegt þvottahús, hjólageymsla og geymslurými. Sérgeymsla sem tilheyrir íbúðinni er staðsett í sameign en er ekki inni í uppgefnum fermetrum eignarinnar samkvæmt skráningu HMS. 

Staðsetning:
Smyrilshólar eru í Efra Breiðholti þar sem stutt er í skóla, íþróttaaðstöðu, sundlaugar, verslanir og aðra þjónustu. Gott aðgengi er að útivistarsvæðum í Elliðaárdal.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal. Lántökugjald lánastofnunar. Um lántökugjald vísast í gjaldskrá viðkomandi lánveitanda. Umsýsluþóknun fasteignasölu skv. gjaldskrá.