Vetrarbraut 29

Nýtt, fallegt, 4ra herbergja endaraðhús að Vetrarbraut 29, Þorlákshöfn. Húsið er á frábærum stað í nýju, rólegu hverfi í Þorlákshöfn, þó í einungis 3 mín göngufjarlægð frá leik- og grunnskólum ásamt íþróttasvæði!
Húsið er skemmtilega skipulagt, klætt með báru og timbri og með góðan garð á móti sólu.

Eignin mun hafa náð bygg.st. 2 skv.nýja kerfinu við afhendingu, sem er fokheld bygging, en er þó komið mun lengra og tikkar í fjölmörg box í stigi 3 og 4 líka.
Nánari lýsingu má fá hjá fasteigansala. Halldór Freyr Sveinbjörnsson - 6932916 - halldor@fastgardur.is

Lóðin -  verður fullfrágengin, þökulögð með grindverki út við götu garðmegin og hellulagt bílaplan ásamt sorptunnuskýlum.
Húsið er risið - fullbúið að utan, fokhelt, einangrað og klætt að utan m.báru og timbri,, þak frágengið, einangrað og rakasperra klár. Þakkantur frágenginn og rennur komnar. Múrað að innan, klárt fyrir milliveggi, gólfhitalagnir klárar sem og innbyggð blöndunartæki í sturtu.
Gatnagerðargjöld greidd - Hönnunarkostnaður greiddur - Fasteignagjöld 2024 greidd
Samkvæmt teikningum:
3 rúmgóð svefnherbergi, anddyri, baðherbergi, þvottahús/geymsla, stofa og eldhús í opnu rými. Útgengt er úr stofunni í garðinn um rennihurð. Einnig er útgengt úr hjónaherbergi út í garð.  Möguleiki er fyrir hendi að sleppa því að setja upp herbergi inn af stofu og stækka með því stofuna í staðin.
Frágangur á lóð:
Lóðin snýr í suður/vestur og afhendist hún þökulögð með góðum skjólvegg við lóðarmörk að Selvogsbraut. Fyrir liggur samþykkt á stækkun lóðarinnar í átt að Selvogsbraut og er sú breytingavinna í ferli og verður nýtt lóðarblað gefið út fyrir afhendingu.
Bílaplan afhendist hellulagt með ótengdri snjóbræðslulögn undir. Sorptunnuskýli verða komin.
Garðkrani er á vegg í garði. Ídráttarrör liggja undir plötu út í garðinn á bakvið sem bjóða uppá möguleika á rafmagni eða heitu/köldu vatni í garðinn.
Teikningar:
Allar reyndarteikningar munu liggja fyrir við afhendingu, þ.e. aðalteikningar, burðarvirkisteikningar, glugga og hurðateikningar, lagnateikningar og raflagnateikningar.
Botnplata: Einangrun er undir plötu og botnplata er slödduð og hitalagnir í gólfi. Gólfið er slípað en eftir er að flota undir gólfefni.

Byggingarlýsing samkvæmt teikningum. 
Útveggir:
Húsið er steypt í Durisol kubba, einangrað að utan og klætt með báru og timbri. Útveggir og millivegir milli húsa eru múraðir að innan.
Innveggir:
Milliveggir milli íbúða eru steyptir í Durisol kubba og múraðir beggja megin.
Eini létti veggurinn inni sem er reistur er lagnaveggurinn í þvottahúsi. Hann er reistur með timburgrind og fermacell trefjagifsi.  Aðra veggi í húsinu velur kaupandi sér en teiknaðir eru hleðslukubbar á núverandi teikningum.
Þakkantur og rennur:
Þakkantur og þakrennur eru fullfrágengnar. Þakkantur er klæddur að neðan og lýsing er í þakskyggni beggja megin ásamt rafmagnstenglum fyrir jólaseríurnar.
Gluggar og hurðir:
Ál-tré-plast gluggar frá Idealcombi, RAL 9005 að utan (svart) og RAL 9010 að innan (hvítt). Tré að innan, ál að utan og plast í botnstykki.
Lagnir:
Skólplagnir eru tengdar fráveitukerfi í götu. Rör í rör kerfi er fyrir neysluvatn og er undir botnplötu. Gólfhitalagnir eru í húsinu, en stýringu vantar.
Gert er ráð fyrir rafbílahleðslu.
Þvottahús:
Gert er ráð fyrir vask, þvottavél og þurrkara.
Inntaksgjöld og gatnagerðargjald:
Inntaksgjöld eru greidd.
Gatnagerðargjald er greitt.
Kaupandi greiðir skipulagsgjald.