Mosarimi 16

Domus Fasteignasala kynnir í einkasölu:

Smelltu hér til að skoða kynningarmyndband um eignina

Domus Fasteignasala hefur fengið til sölu bjarta og vel skipulagða íbúð á miðhæð í þriggja hæða fjölbýlishúsi við Mosarima 16 í Grafarvogi. Um er að ræða rúmgóða eign með þremur svefnherbergjum og rúmgóðum svölum. Geymsla fylgir eigninni á neðstu hæð hússins.

Samkvæmt fasteignaskrá er eignin 92,8 fm, þar af er geymslan 4,8 fm.

Nánari lýsing

Gengið er upp utanhússtiga að sérinngangi íbúðarinnar á miðhæð hússins. Komið er inn í flísalagða forstofu með fatahengi og skápaplássi.

Frá forstofu tekur við gangur sem tengir helstu rými íbúðarinnar saman. Dúkur er á gólfum meginhluta eignarinnar.

Stofan er björt og rúmgóð með stórum gluggum sem veita rýminu góða birtu. Stofa, borðstofa og eldhús tengjast á þægilegan hátt.

Eldhúsið er rúmgott með viðarinnréttingu og góðu skápa- og vinnuplássi. Flísar eru á vegg milli efri og neðri skápa og góð borðaðstaða er við eldhúsið. 

Í íbúðinni eru þrjú svefnherbergi. Hjónaherbergið er rúmgott og með góðu skápaplássi. Hin tvö herbergin henta vel sem barna-, vinnu- eða gestaherbergi.

Baðherbergið er með dúk á gólfi og flísum á veggjum. Það er búið baðkari, salerni og baðinnréttingu. Þar er jafnframt þvottaaðstaða með tengingum fyrir þvottavél og þurrkara.

Svalir

Frá borðstofu er útgengt á rúmgóðar svalir..

Geymsla

Eigninni fylgir 4,8 fm geymsla á jarðhæð hússins sem veitir gott aukageymslupláss.

Sameign

Sameiginlegur garður er við húsið. Á neðstu hæð er jafnframt rúmgott sameiginlegt rými þar sem meðal annars er aðstaða til að geyma reiðhjól.

Bílastæði og hleðsluaðstaða

Við húsið eru sameiginleg bílastæði merkt Mosarima 16. Jafnframt eru fjórar hleðslustöðvar fyrir rafbíla til afnota fyrir íbúa við Mosarima.

Athugasemdir

Móða er í gleri í einum glugga. Einnig er sprunga í einni rúðu sem seljandi mun láta lagfæra fyrir afhendingu eignarinnar.

Staðsetning

Eignin er staðsett á fjölskylduvænum stað í Grafarvogi þar sem stutt er í leik- og grunnskóla, verslun, þjónustu, íþróttaaðstöðu og fjölbreytt útivistarsvæði. Spöngin er í göngufæri og greiður aðgangur er að helstu samgönguleiðum.

Hér er um að ræða bjarta og vel skipulagða íbúð á miðhæð með þremur svefnherbergjum, rúmgóðum svölum og góðri staðsetningu í Grafarvogi.

Upplýsingar veita Friðrik Halldór Brynjólfsson löggiltur fasteignasali s 662-8034 domus@domus.is,  Stefán Ólafsson hrl. löggiltur fasteignasali s 891-9425 sol@domus.is og Sigurður Pétur Stefánsson s 698-6971 siggi@domus.is

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Domus Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 71.920 kr.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.