Tjarnarlundur 12 íbúð 301

Fasteignasalan Hvammur 466 1600
 
Tjarnarlundur 12e - Mikið endurnýjuð 4ra herbergja íbúð í fjölbýli á góðum stað í Lundahverfi - stærð 75.8 m²

Eignin skiptist í forstofu, eldhús og stofu í opnu rými, þrjú svefnherbergi, baðherbergi með þvottaaðstöðu og sér geymslu á jarðhæðinni.

Búið er að gera breytingar á innra skipulagi eignar, eldhúsinnrétting hefur verið færð inn í stofu og þriðja svefnherbergið útbúið þar sem eldhúsið var áður. 

Forstofa með harðparketi á gólfi, hvítum skáp og opnu hengi. 
Í eldhúsi er nýleg ljós innrétting með flísum milli skápa, dökkri bekkplötu og opnum efri hillum. Stæði er í innréttingu fyrir uppþvottavél. 
Stofa og eldhús eru í opnu rými þar sem harðparket er á gólfi, stór vestur gluggi og hurð út á steyptar og flísalagðar vestur svalir.   
Svefnherbergin eru þrjú, öll með harðparketi á gólfi og tvö með fataskápum. 
Baðherbergið er með dökkum flísum á gólfi og þiljum á tveimur veggjum, ljósri innréttingu, speglaskáp, walk-in sturtu, wc og handklæðaofni. Tengi er fyrir þvottavél og þurrkara inn á baðherbergi. 
Á jarðhæðinni er sér geymsla. 

Annað
- Eignin hefur verið mikið endurnýjuð, nýtt eldhús, baðherbergi, gólfefni að stærstum hluta, rafmagnstenglar o.fl.
- Nýlegur mynddyrasími.
- Húsið málað að utan og múrviðgert 2021.
- Gler og listar endurnýjað í íbúð og stigagangi.
- Sameiginleg hjóla og vagnageymsla er á jarðhæð.
- Góð staðsetning þar sem stutt er í leik- og grunnskóla, íþróttasvæði KA og ýmsa verslun og þjónustu. 
- Eignin er í leigu til 31.1.2027

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.