Helgamagrastræti 34

Fasteignasalan Hvammur 466 1600

Helgamagrastræti 34 - 4ra herbergja mikið uppgert einbýli ásamt rúmgóðum tvöföldum bílskúr - samtals 202,3
Íbúðarhúsið er hlaðið úr r-steini og steinað, byggt árið 1942.  Efri hæðin er 109,5 m² og kjallarinn 43,8 m², samtals 153,3 m²  Bílskúrinn er timburhús með stálburð í þaki, byggður árið 1996 og skráður 49,0 m² að stærð.

Húsið skiptist þannig að á aðalhæð er forstofa, hol, eldhús, stofa, tvö svefnherbergi, baðherbergi og þvottahús.  Í kjallara er eitt herbergi, geymsla og baðherbergi í smíðum.

Forstofa er með flísum á gólfi og þar eru góðir fataskápar.  Annar inngangur er norðurhlið hússins og þar er komið inn á stigapall á milli hæða.
Holið er með flísum á gólfi og þakglugga sem hleypir birtu inn í rýmið.
Eldhúsið er með nýlegri dökkri innréttingu með ljósum silestone bekkplötu.  Útgangur er í garð til suðurs út úr stofu.
Stofan er með flísum á gólfi og á milli eldhúss og stofu er rennihurð.
Herbergin í húsinu eru þrjú.  Hjónaherbergi er með flísum á gólfi og innaf því er rúmgott fataherbergi með góðu skápaplássi.  Hitt herbergið hæðinni er einnig með flísum á gólfi og lausum fataskáp sem fylgir með við sölu.  Þriðja herbergið er í kjallaranum, rúmgott herbergi með máluðu gólfi og gluggum á tveimur hliðum.
Baðherbergið er nýlega endurnýjað, flísalagt í hólf og gólf, walk-in sturta með gleri, dökk innrétting með silestone bekkplötu og speglaskáp yfir, upphengt klósett, handklæðaofn og opnanlegur gluggi.
Þvottahúsið er mjög rúmgott en það var áður eldhús.  Innréttingin er gamla eldhúsinnréttingin og þar er einnig bakaraofn og helluborð.  
Í kjallara er baðherbergi í smíðum en búið er að flísaleggja gólfi og í sturtu bæði gólf og veggi, og koma fyrir lögnum.  Í kjallari er einnig geymsla og tæknirými auk eins herbergis.  Kjallarinn er þannig uppgerður að lítið þarf til að hann gæti nýst sem útleigueining.
Geymslupláss er ágætt í húsin en auk geymslu í kjallara er gott geymslupláss í þvotthúsi.  Geymsluloft er yfir húsinu að hluta og uppá það er farið um lúgu í þvottahúsi.  Í garði er svo geymsluskúr.

Bílskúrinn er tvöfaldur og stendur stakstæður austan við íbúðarhúsið.  Á honum eru tvær innkeyrsluhurðir og ein gönguhurð.  Skúrinn er upphitaður í honum er rafmagn og rafhleðslustöð.

Lóðin er snyrtileg.  Framan við húsið er grasflöt og sunnan við húsið er sólpallur þar er heitur pottur og geymsluskúr.  Perlumöl er í lóðinni austan við húsið á milli bílskúrs og húss.  Síðasta haust var steyptur lóðarveggur á lóðarmörkum við suður-austurhorn lóðarinnar.

Töluverðar endurbætur hafa verið gerðar á húsinu á síðustu árum:
- Öll efri hæðin (að þvottahúsi undanskildu) hefur verið tekin í gegn.  Gólfhiti var settur í allt og nýjar flísar, eldhús og bað var endurnýjað, nýr loftapanell settur og innfelld lýsing.  Raflagnir hafa verið endurnýjaðar sem og rofar tenglar.
- Útgönguhurð úr eldhúsi út í garð var endurnýjuð, drenað var með austurhlið hússins og nýr gluggi með björgunaropi  settur á austurhlið í kjallara.
- Herbergi var útbúið í kjallara, gólf grafið niður og ný gólfplata steypt með gólfhita í.
- Hitaveitugrind endurnýjuð, ný gólfhitakista og ljósleiðari.

Húsið er skemmtilega staðsett og úr því er gott útsýni.  Aðkoma að húsinu er bæði frá Helgamagrastrætinu en einnig frá hliðargötu sem er á milli húsa númer 36 og 34, og þaðan er aðkoman að bílskúr og bílastæðum.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.