Skeiðarvogur 63

FJÁRFESTING FASTEIGNASALA ER MEÐ TIL SÖLU SIGVALDARAÐHÚS AÐ SKEIÐARVOGI 63 Í REYKJAVÍK.

Stærð 163,6 fm. kjallari og tvær hæðir. Sama fjölskylda frá upphafi. Húsið er á afar eftirsóttum stað í mynni Laugardals og er veðursæld mikil. Stutt í alla verzlun, skóla og aðra þjónustu. Steinsnar í Sólheimabókasafn og afar stutt í leikskólann Langholt. Vogaskóli handan götunnar sem og Menntaskólinn við Sund. Skeifan með fjölda veitingastaða og verzlana er í göngufæri, ásamt Laugardalnum sem og Glæsibæ með verzlunum og heilsugæzlu.

Eignin þarnast verulegs viðhalds að innan sem utan og eru væntanlegir kaupendur hvattir til að framkvæma nákvæma ástandsskoðun á eigninni.

Uppl. hjá Óskari (lögg. fasteignasala) í síma 822-8750 oskar@fjarfesting.is 
Nánari lýsing: 
Miðhæð
Komið er inn í litla forstofu.
Gangur og liggur hann á hægri hönd inn í stofu og borðstofu.
Frá stofu er gengið út í stóran garð.
Á vinstri hönd liggur gangurinn að eldhúsi, dyrum að kjallara og stiga sem liggur upp á efri hæð. 
Eldhús er með eldri innréttingu þó ekki upprunalegri.
Efri hæð:
Þar blasir við stórt herbergi sem áður var tvö herbergi og auðvelt er að skipta aftur upp.
Gegnt því er lítil geymsla.
Baðherbergi, sem þarfnast endurnýjunar, með baðkeri. 
Við enda gangsins er komið inn í stórt hjónasvefnherbergi með tveimur fataskápum undir súð. Úr svefnherberginu er gengið út á litlar svalir. 
Kjallari
Sérinngangur er inn í kjallara en einnig er innangegnt frá miðhæð.
Þegar komið er niður í kjallara blasir við svefnherbergi og vinstra megin er salerni.
Innar með ganginum er mjög rúmgott herbergi.
Við enda gangsins er þvottahús með sturtu.
Á hægri hönd er köld geymsla.
Kjallarinn hefur stundum verið leigður út sem séríbúð.
 
Helstu ártöl.
1960. Húsið byggt og einangrað sérstaklega vel með steinull milli sperra og liggja tvö tonn af steinull á þaklofti. Stigi niður í kjallara steyptur. (Reyndar byggt árið 1957)
1976. Stofa, borðstofa og efri hæð parketlögð. Kominn er tími á nýtt parket.
1978 Skipt um rúður í húsinu og gluggaramma á efri hæð. Nauðsynlegt er að skipta um gler og gluggaramma á miðhæð sem og garðhurð og ganga frá ókláraðri steypuvinnu fyrir ofan dyr og glugga á miðhæð garðmegin. Gera verður við svalakanta..
1983 Skipt um eldhúsinnréttingu og sett upp þýzk ALNO-innrétting.
1992. Skipt um alla ofna í húsinu. Upprunalegu pottjárnsofnarnir viku fyrir nýjum ryðfríum stálofnum.
2007. Þakjárn, þakpappi og þakrennur endurnýjaðar. Sett bárujárnsþak með innbrenndum koxgráum lit og þarf því ekki að mála.
2013. Skólplögn raðhúsanna fóðruð með epoxýhulsu.
2016. Umfangsmikil sprunguviðgerð á gafli næst Skeiðarvogi.
2018. Drenað kringum alla lengjuna.