Digranesvegur 75

Trausti fasteignasala og Hallgrímur Hólmsteinsson löggiltur fasteignasali kynna fallegt og vel skipulagt fjögurra herbergja einbýlishús á einni hæð með bílskúr á Digranesvegi 75 á besta stað í Kópavogi. Húsið hefur allt verið gert upp á afar smekklegan hátt og garðurinn er gróinn og sólríkur. Húsið er teiknað af Sigvalda Thordarsyni og ber merki hönnunar hans. Afar fátítt er að hús í þessari stærð á einni hæð og á þessum stað komi í sölu. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á tölvupóstfangið hallgrimur@trausti.is

Húsið er skráð 150,8 fm og er bílskúrinn 26,8 fm þar af samkvæmt HMS. 

Nánari lýsing eignar:
Komið er inn á flíslagt anddyri með fatahengi. 
Eldhúsið er með snyrtilegri nýlegri hvítri innréttingu og parketlagt gólf. Í eldhúsi hefur verið tekinn niður veggur sem bíður upp á að stækka eldhúsið, byggja utan um tvöfaldan ísskáp, setja tækaskáp og fleira. Hægt er að bæta við baðherbergi fyrir nýjan eiganda inn af þvottahúsi en þar er búið að koma fyrir lögnum fyrir sturtu salerni og handlaug.
Inn af þvottahúsinu er herbergi sem nýtt er sem vinnuherbergi í dag. 
Þvottahúsið er rúmgott og hægt að breyta því af nýjum eiganda.
Stofan og borðstofan eru bjartar og rúmgóðar, parket á gólfi.
Svefnherbergin eru þrjú og er svefnherbergja gangur til hægri frá anddyri og stofur til vinstri. Hjónaherbergið er með stórum og rúmgóðum nýjum fataskáp. Parket er á gólfi herbergja. 
Baðherbergið er flísalagt með baðkari og sturtuklefa. Ný innrétting og nýtt salerni eru á baðherberginu.
Stórt og rúmgott geymslurými er yfir stórum hluta hússins á háalofti.
Bílskúrinn er með fjarstýrðri hurðaropnun.
Aftan við húsið er góður geymsluskúr sem er ekki inn í fermetratölu hússins en er um 12 fm að stærð. Hann er á steyptri plötu. 
Bílastæði fyrir framan bílskúrinn og við húsið er óvenju stórt og rúmgott en bílskúrinn stendur aftarlega í lóðinni og er löng aðkeyrsla að honum þar sem hægt er að leggja mörgum bílum, og geyma hjól- eða fellihýsi.
Lóðin er vel gróin fallegum gróðri og fyrir framan húsið er skjólveggur og hellulagður pallur. 

Húsið hefur verið mikið endurnýjað af núverandi eigendum, meða annars er allar raflagnir og rofar nýjir, nýtt parket, ný eldhúsinnrétting, búið að skipta út frárennslis- og skólplögnum, neysluvatnslagnir eru nýjar, allar innihurðir eru nýjar og hefur baðherbergið verið endurnýjað. Jafnframt eru fataskápar nýir. 

Hér er á ferðinni afar vel skipulagt og fallegt einbýli á einni hæð með þrem svefnherbergjum, skjólsælum garði og á góðum stað í þessu vinsæla hverfi. Allar nánari upplýsingar veitir Hallgrímur Hólmsteinsson löggiltur fasteignasali í síma 896-6020 eða með tölvupósti á póstfangið hallgrimur@trausti.is.