Asparfell 2

Einkar fjölskylduvæna vel staðsetta 5 herb. íbúð á fjórðu hæð með tvennum svölum í góðu lyftuhúsi við Asparfell.  Í íbúðinni eru 4 svefnherbergi.  Húsið hefur fengið gott viðhald. Öll helsta þjónusta skólar, leikskólar, verslun og samgöngur eru í göngufæri. Eignin er laus við kaupsamning.

Eignin er skráð skv. Þjóðskrá Íslands alls 111,8 fm. og þar af er geymsla 4,7fm. 
Fasteignamat fyrir árið 2026 verður kr. 65.450.000

Nánari lýsing eignar:
Forstofa með skáp og flísum á gólfi.
Gestasalerni með handlaug ásamt salerni og tengingu fyrir þvottavél.
Eldhús hefur verið endurnýjað, innrétting með neðri og efri skápum að hluta, flíslagt er á milli skápa, helluborð, gufugleypir, eldhúskrókur og flísar á gólfi.  Gegn eldhúsi er útgengt út á skjólgóðar suðursvalir með útsýni að sameiginlegum garði og nærumhverfi.
Stofa/borðstofa er samliggjandi parketlagt rými, búið er að taka hluta af stofu og bæta við aukaherbergi og er þaðan útgengi út á austursvalir með útsýni til fjalla og að nærumhverfi.
Svefnherbergisgangur parketlagður og á ganginum eru þrjú svefnherbergi.
Hjónaherbergi er á enda gangsins rúmgott með góðu skápaplássi og parket á gólfi. 
Svefnherbergi eru tvö annað þeirra með skáp og parket á gólfum. 
Einstakt útsýni er frá öllum svefnherbergjum.
Baðherbergi  með  baðkari með sturtuaðstöðu, snyrtileg baðinnrétting og flísar á veggjum og gólfi. 
Geymsla með hillum er á svefnherbergisgangi. 
Ath. Búið er að breyta nýtingu eignar frá upphaflegum teikningum þar sem bætt var við herbergi við stofuna. 

Sameiginlegt þvottahús er á hæðinni, ásamt rými með geymsluskáp sem er á gangi hæðar.
Geymsla 4,7 fm er á geymslugangi jarðhæðar. 
Tveir inngangar eru að húseign frá bílastæðum að framan og að sameiginlegum garði bakatil.

Rafmagnshleðslustöð fyrir rafmagnsbíla er á bílastæði við húsið. 

Góð fjölskyldueign gott aðgengi og stutt í alla helstu þjónustu, verslun, skóla, leikskóla og almenningssamgöngur.

Allar nánari upplýsingar veitir Guðbjörg G. Sveinbjörnsdóttir löggiltur fasteignasali í síma 899-5949 eða á netfanginu gudbjorg@trausti.is