Ásabyggð 18

Fasteignasalan Hvammur  466 1600 
6 herbergja efri hæð í þríbýli á suður brekkunni ásamt 18 m² bílskúr - samtals 172,8 m² 
Eignin skiptist í forstofu, stofu, 5 herbergi, eldhús, baðherbergi, þvottahús/geymslu og bílskúr.

Forstofa er með harðparketi á gólfi, þar er gólfhiti og góðir fataskápar.  Harðparket er á stiga uppá hæð.
Stofan er mjög rúmgóð og þar er harðparparket á gólfi og stórir gluggar til vesturs.
Eldhúsið er einnig rúmgott og með harðparketi á gólfi og eldri ljósri innréttingu, með gaseldavél og stórri eyju á hjólum.  Í eldhúsi eru lausir skápar sem fylgja með við sölu.
Svefnherbergin eru 5 á hæðinni, fjögur á svefnherbergisgangi og eitt innaf stofu.  Á þeim öllum er harðparket á gólfi og fataskápar í tveimur þeirra.  Út úr hjónaherbergi er útgangur á svalir til vesturs. 
Baðherbergið hefur verið endurnýjað, flísalagt í hólf og gólf, ljós innrétting, góð walk-in sturta með gleri, handklæðaofn og opnanlegur gluggi.  Gólfhiti er á baðherbergi og upphengt klósett.
Úr eldhúsi er farið inní þvottahús og geymslu og þaðan er hægt að fara út á stórar svalir til austurs sem eru ofan á báðum bílskúrunum og á þeim er heitur pottur og þvottasnúrur. 
Í kjallara er sameiginleg geymsla fyrir allt húsið.  
Bílskúrinn er 18 m² að stærð og með nýlegri innkeyrsluhurð.

Annað
- Baðherbergi var endurnýjað árið 2018.
- Húsið var múrviðgert og málað að utan 2025.
- Öll gólfefni voru endurnýjuð árið 2018.
- Gluggi á baðherbergi og hurð á á bílskúrssvalir var endurnýjað 2018.
- Í íbúðinni eru vönduð gluggatjöld sem fylgja með við sölu.
- Sérbílastæði er framan við bílskúr.
- Ljósleiðari er kominn inn og tengdur.

- Vel staðsett eign, stutt í skóla og þjónustu - gott útsýni.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.