Borgarholtsbraut 71

LIND fasteignasala og Helga Pálsdóttir löggiltur fasteignasali kynna virkilega skemmtilega, bjarta og rúmgóða 129,9 m2 hæð í fjórbýlishúsi við Borgarholtsbraut 71 á Kársnesinu í Kópavogi. Tvennar svalir, aðrar þeirra með svalalokun. Fallegt útsýni er til sjávar. Staðsetningin er frábær, stutt í leik- og grunnskóla, Sundlaug Kópavogs og alla helstu þjónustu.  

Nánari lýsing 
Gengið er inn á stigagang á jarðhæð. Nýtt teppi er á stigaganginum og er hann sameiginlegur með annarri íbúð. 
Íbúðin er á 2. hæð og er komið inn í forstofu/hol með teppalögðu gólfi.
Stofa og borðstofa eru rúmgóðar og teppalagðar. Stórir gluggar eru til suðurs og vesturs sem gefa fallega birtu i rýmið. Útgengt er frá stofum út á flísalagðar, yfirbyggðar svalir til suðurs.
Eldhúsið er rúmgott með snyrtilegri eldri innréttingu með efri og neðri skápum, keramik helluborði, viftuháf og bakarofni í vinnuhæð. Gert er ráð fyrir ísskáp og uppþvottavél í innréttingu. Dúkflísar eru á gólfi.
Svefnherbergishol er teppalagt og með opnu fatahengi.
Hjónaherbergi er með linolium dúk á gólfi og eldri fataskáp með rennihurðum, útgengi út á svalir til vesturs.
Tvö barnaherbergi með linolium dúk á gólfi og fataskáp í öðru þeirra.
Baðherbergi er með flísalögðu gólfi og veggjum, sturtuklefa, innréttingum og vaski.
Sér þvottahús er á jarðhæð (á stigagangi, en er séreign) með tengi fyrir þvottavél og þurrkara. Vaskaborð er í þvottahúsinu og gólf er málað. Mögulegt er að gera breytingar á skipulagi íbúðarinnar, t.d. gera þvottahús/geymslu innan hennar. Opna frá eldhúsi inn í stofu o.s.f.v. 

Allar upplýsingar um eignina veitir Helga Pálsdóttir fasteignasali í síma 822 2123 eða helga@fastlind.is