Fornhagi 15

Betri Stofan Fasteignasala kynnir: Einstaklega falleg 98,5 fm. fjögurra herbergja íbúð á fyrstu hæð við Fornhaga 15. Talsvert endurnýjuð eign með þremur svefnherbergjum, rúmgóðum og björtum stofum með gluggum til suðausturs. Íbúðin sjálf er 91,2 fermetrar, 7,3 fm. geymsla í kjallara fylgir.  Í íbúðinni er búið að endurnýja eldhús, gólfefni, fataskápa og innihurður (2020). Ofnar endurnýjaðir að hluta. Þak og hluti glugga/glers var endurnýjað 2022/23 og húsið endursteinað að framan. Stigagangur í Fornhaga 15 var endurnýjaður haustið 2025, skipt um teppi, málið og anddyri tekið i gegn.

Nánari lýsing: Komið er inn í sjarmerandi anddyri þegar gengið er inn í húsið, þar sem upphaflegar hurðir og póstkassar hafa fengið að halda sér. Þegar gengið er inn í íbúðina eru svefnherbergin 3 til vinstri, baðherbergi, eldhús og stofur til hægri. Svefnherbergin eru rúmgóð og björt eins og öll íbúðin, fataskápar í hjónaherbergi hafa verið endurnýjaðir. Baðherbergi með baðkari með sturtu. Eldhús var allt endurnýjað 2020. Innbyggð uppþvottavél, spanhelluborð ofn í vinnuhæð. Borðkrókur.  Stofan og borðstofan er rúmgóð og björt, Gluggar í stofu og eldhúsi eru stórir og bjartir, snúa til suðausturs. Útgengt út á svalir út frá eldhúsi. Á allri íbúðinni er fallegt harðparket en flísar á baði. Sér geymsla í kjallara ásamt sameiginlegu þvottahúsi. Garðurinn er vel hirtur, eins og reyndar öll sameign hússins en húsfélagið er vel rekið og góð samstaða og samfélag í húsinu. Virk umhverfisvernd er í húsinu sem heldur úti vefsíðunni https://fornhagablokkin.wordpress.com/  Næg bílastæði og bílhleðslustöð á lóðinni. Stutt í alla þjónustu, verslanir, leikskóla, grunnskóla og Háskóla Íslands

Nánari upplýsingar veitir Páll Þórólfsson , í síma 8939929, tölvupóstur pall@betristofan.is.