Mýrarheiði 1, Útey 101

Miklaborg kynnir: Bústaður, sem er staðsettur örstutt frá Laugarvatni er til sölu. Hann er á einstaklega fallegum og friðsælum stað. Notalegur með stórum palli, þar sem náttúran umvefur húsið og róin ríkir. Um er að ræða 5000 fm leigulóð og ársgjald um 140 þúsund kr. Hér er tilvalið að njóta lífsins, hvort sem er með fjölskyldunni, vinunum eða í rólegheitum með góðri bók og kaffibolla.

Bústaðurinn er i rúmlega klukkustundar keyrslu frá höfuðborgarsvæðinu. Stutt er að keyra á Selfoss , til Hveragerðis, Þingvalla og almennt um Suðurlandið. Þarna eru ótal gönguleiðir jafnt á fjöll sem á láglendi, veiðiár og vötn, sundlaugar og náttúrubað auk allrar almennrar þjónustu, sem er á Laugarvatni. Athugið að kalt vatn og rafmagn er til staðar en ekki er gert ráð fyrir vetrarnotkun þar sem getur frosið í leiðslum, því er um að ræða sölu á sumarhúsi.

Aðalhúsið er með opnu alrými, þar sem stofa og eldhús renna saman í hlýlegu umhverfi. Í stofunni eru svefnsófi sem rúmar tvo, borðstofuborð og stólar. Eldhúsið er með ísskáp og rafmagns-helluborði. Í bústaðnum er eitt svefnherbergi með hjónarúmi og baðherbergi með salerni. Aðalhúsið er skráð 38,8 fm að stærð. Gestahús með sérinngangi er 10,9 fm að stærð og hefur einfalda eldhúsaðstöðu; þar geta þrír gist á þægilegan hátt.

Tvær geymslur eru baki til; önnur býður upp á sturtuaðstöðu, þaðan sem stutt er í rafmagnspottinn. Stór pallur umlykur bústaðinn og býður upp á gott pláss fyrir sólstóla, útiborð og grill. Lóðin er snyrtileg og vel skipulögð. Þar má finna hlaðið eldstæði með skjólvegg, sem skapar notalegt andrúmsloft fyrir kvöldstundir undir berum himni. Leiksvæði fyrir börn er einnig á lóðinni, og því er þetta fullkominn staður fyrir fjölskylduna.

Hér má sjá staðsetningu https://ja.is/kort/?type=aerial&page=1&q=m%C3%BDrarhei%C3%B0i%201&x=415525&y=411454&nz=14.70

Kostnaður og rekstur

Ársleiga í sumarhúsafélaginu er um 40 000 krónur. Rafmagnskostnaður hefur verið um 300 000 krónur á ári og leigugjald um 140.000 krónur á ári. Umræða hefur verið um að tengja hverfið við heitt vatn frá Bláskógaveitum, sem myndi auka enn
á þægindin til framtíðar.

Innbú getur fylgt með í kaupum, að undanskildum persónulegum munum, sem gerir kaupandann tilbúinn til að njóta staðarins strax eftir afhendingu.

Nánari upplýsingar veitir Jón Rafn fasteignasali í síma 695-5520 eða jon@miklaborg.is