Lyngás 1A

Nýtt á skrá! Lyngás 1A Garðabæ - Bókið skoðun.

Fjögurra herbergja íbúð með svölum, viðarverönd og bílastæði í bílakjallara!

Lind fasteignasala / Heimir Hallgrímsson lögg. fasteignasali kynna til sölu afar fallega 114,4 fermetra 4ra herbergja íbúð á 1. hæð með rúmgóðum afgirtri viðarverönd og svölum við Lyngás 1A í Garðabæ. Útgengi úr stofu á svalir til vesturs með afar útsýni til fjalla. Útgengi úr einu svefnherbergi á skjólgóða viðarverönd sem snýr inn í bakgarð hússins. Gott þvottaherbergi er staðsett innan íbúðar. Geymsla er 8,8 fermetrar á geymslugangi og sameiginleg hjóla- og vagnageymsla. Sérstæði í lokuðum bílakjallara fylgir íbúð með rafhleðslustöð.

Húsið er byggt árið 2016, viðhaldslítið með lyftu og fallega frágenginni lóð. Hellulagðrar stéttir fyrir framan hús með snjóbræðslu. Malbikuð bílastæði á lóð. Tyrfðar flatir, hellulagðar stéttar og leikteiki á baklóð. Búið er að setja upp nokkra rafhleðslustaura við bílastæði á lóð. 

Um er að ræða eftirsótta staðsetningu í góðu fjölskylduhverfi við Ásanna í Garðabæ. Stutt í alla verslun og þjónustu. Íþróttasvæði Stjörnunnar í næsta nágrenni og frábærar hjóla- og gönguleiðir við sjóinn og gegnum hraunið sem tengist friðlandinu í Gálgahrauni. Stutt í leikskóla (Ásar) og grunnskóla og framhaldsskóla. Sundlaug í næsta nágrenni.

Nánari lýsing:
Forstofa: Með harðparketi á gólfi og skápum.
Stofa: Með harðparketi á gólfi og gluggum til vesturs. Stofa rúmar vel setustofu og borðstofu. Stofa er opin að hluta við eldhús og með útgengi á svalir.
Svalir: Snúa til vesturs og með útsýni til fjalla.
Eldhús: Með harðparketi á gólfi og rúmgóðri eldhúsinnréttingu með góðu vinnuplássi. Tvöfaldur LG kæliskápur með vatns/klakavél, bakaraofn, spansuðuhelluborð með 6 hellum, vifta og tengi fyrir uppþvottavél. 
Þvottaherbergi: Er rúmgott og staðsett inn af eldhúsi. Flísar á gólfi, vinnuborð og vaskur. Tengi fyrir þvottavél/þurrkara, skápar, útloftun og þvottasnúrur.
Hjónaherbergi: Með harðparketi, góðum skápum og glugga til vesturs.
Svefnherbergi II: Með harðparketi, skápum og glugga til austurs.
Svefnherbergi III: Með harðparketi og glugga til austurs. Útgengi á verönd.
Verönd: Er rúmgóð og nýlega byggð. Afgirt viðarverönd sem snýr inn í bakgarð hússins.
Baðherbergi: Flísar á gólfi og veggjum. Baðkar með sturtutækjum, góð innrétting við vask með speglaskáp fyrir ofan. Handklæðaofn, innb./upph. salerni og útloftun. 

Geymsla: Er 8,8 fermetrar að stærð og staðsett á geymslugangi.
Hjóla og vagnageymsla: Er staðsett í sameign hússins.
Bílastæði í bílakjallara: Merkt 107. Vel staðsett með rafhleðslustöð.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is