Hlíðarmói 10

Fasteignasalan Hvammur 466 1600

Hlíðarmói 10, Akureyri  - Nýtt og skemmtilega hannað 179,6 m² einbýlishús á einni hæð með fjórum svefnherbergjum og innbyggðum bílskúr.

* Eignin er í byggingu og afhendist má segja tilbúin undir spörslun og málningu. 
* Eignin er laus til afhendingar við kaupsamning.

Um er að ræða timburhús, byggt árið 2026, með einhalla þaki og nútímalegu útliti. Húsið er klætt dökkri utanhússklæðningu og er með stórum gluggum sem veita góða birtu.
Heildarstærð eignar er 179,6 m², þar af er íbúðarhluti 145,6 m² og bílskúr 34,0 m².
Húsið stendur á 635,0 m² lóð innst í götunni.

Eignin skiptist í anddyri, gang, eldhús, borðstofu og stofu í rúmgóðu og björtu alrými, fjögur svefnherbergi, þar af hjónaherbergi með fataherbergi, baðherbergi, snyrtingu, þvottahús og bílskúr.

Nánari lýsing:
Anddyri: Gengið er inn í anddyri sem tengist gangi hússins. Gert er ráð fyrir fataskápum í anddyri samkvæmt teikningu.
Gangur: Frá gangi er aðgengi að svefnherbergjum, baðherbergi og alrými hússins.
Eldhús, stofa og borðstofa: Rúmgott og bjart alrými þar sem loft eru tekin upp og búið að leggja fyrir innfelldri lýsingu. Stórir gólfsíðir gluggar og rennihurð út á steypta verönd. 
Svefnherbergin eru fjögur og eru þau skv. teikningum 9,5–13,5 m² að stærð. Hjónaherbergið er með fataherbergi og gert er ráð fyrir fataskápum í öðrum svefnherbergjum.
Baðherbergi: Gert er ráð fyrir baðherbergi með sturtu, salerni og handlaug samkvæmt teikningu. Hurð er út úr baðherbergi á stétt sem tengist verönd.
Snyrting og þvottahús eru á tengigangi milli íbúðarrýmis og bílskúrs. 
Bílskúr er skráður skv. teikningum 34,0 m² að stærð. Sér gönguhurð, innkeyrsluhurð og gluggar til norðurs. Steypt gólf og loft eru tekin upp.
Gólfhiti er í öllu húsinu og er búið að tengja lagnir við gólfhitakistu í bílskúr.
Raflagnir: Tafla er uppsett í bílskúr og fyrir afhendingu verður búið að draga í alla tengla og koma fyrir rofum og tenglum.  
Lóð er skráð 635,0 m² að stærð og afhendist hún frágengin, lóð þökulögð og bílaplan og verönd steypt.
Lagnir eru fyrir heitan pott á veröndinni. Hitalagnir eru í bílaplan og verönd en ekki stétt kringum húsið. 

Annað
- Húsið er klætt að utan með álklæðningu frá Áltak, Esja (RAL7006)
- Pappi er á þaki, tvöfalt lag. 
- Gluggar eru frá Viking og með þreföldu gleri.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.