Gunnarsbraut 47

Sunna fasteignasala og Marta Jónsdóttir, lögfr. og lfs., kynna Gunnarsbraut 47, 105 Reykjavík. 
*Eignin er seld með fyrirvara*

Um er að ræða mikið endurnýjaða og snyrtilega 3ja herbergja íbúð á jarðhæð í Norðurmýrinni. Eignin er með sér inngang, góðri geymslu og þvottahúsi á sömu hæð. Frábær fyrstu kaup.

Helstu endurbætur á undanförnum árum:
• Gólf hafa verið flotuð og vínylparket lagt.
• Skipt hefur verið um ofna og ofnalagnir í allri íbúðinni frá inntaksrými og eru lagnir lagðar utanáliggjandi.
• Smíðaður hefur verið stokkur yfir lagnir meðfram gólfi á flestum stöðum íbúðarinnar (þó ekki á baði eða eldhúsi).
• Nýr handklæðaofn á baði 
• Jafnhliða nýjum vatnslögnum í eldhús og bað, sem lagðar hafa verið í gólf í ídráttarrörum hefur verið skipt út tækjum á baði og sturtuklefi verið settur upp. Þá hefur einnig verið sett upp nýtt 24/7 útsog frá baðherbergi.
• Raflagnir hafa verið lagfærðar að stærstum hluta. Þar með talið brotið fyrir nýjum dósum fyrir tölvulagnir og gömlum járndósum skipt út fyrir plastdósir.
• Nýir tenglar og rofar í allri íbúðinni.
• Fallegir gólf- og loftlistar eru í íbúðinni.

Nánari lýsing: 
Komið er inn í forstofu með nýlegu vínylparketi. Á hægri hönd er eldhúsið með snyrtilegri hvítri innréttingu og plastlagðri borðplötu. Gluggi er í eldhúsi. 
Á vinstri hönd við forstofu eru tvær stórar samliggjandi stofur með stórum gluggum sem hleypa mikilli birtu inn. Við enda þeirra er svefnherbergi, það er rúmgott og með glugga á tvenna vegu. 
Úr stofu er gengið inn gang, á vinstri hönd eru tvennar hurðar, önnur er að góðri geymslu og hin að sameiginlegu inntaksrými/þvottaherbergi. Þvottaherbergið er eingöngu í notkun fyrir þessa íbúð í dag. 
Innar á ganginum er mjög rúmgott svefnherbergi með stórum gluggum.

Í eigninni er tvöfalt verksmiðjugler.
Mjög snyrtileg sameiginleg hjólageymsla og góður sameiginlegur garður. 

Þettta er falleg og björt íbúð sem hefur verið talsvert endurnýjuð. Hún er staðsett í fjölskylduvænu hverfi í örstuttu göngufæri við Landspítalann, leikskóla og grunnskóla, auk þess er stutt á útivistarsvæði en Klambratún er í næsta nágrenni. Þá er miðbær Reykjavíkur í göngufæri.

Nánari upplýsingar veitir Marta Jónsdóttir, lögfr. og lfs. í síma 8633445 og netfanginu marta@sunnafast.is.