Áshamar 48

Eignaland kynnir fallega og einstaklega vel skipulögð þriggja herbergja íbúð á jarð hæð að Áshamri 48 í Hamraneshverfi Hafnarfjarðar. Eignin er skráð 86 fm, þar af er 7,2 fm sérgeymsla. Tvö góð svefnherbergi, rúmgott og bjart alrými, fallegt eldhús og útgengt á verönd og sérafnotaflöt. Eignin er í nýlegu Svansvottuðu fjölbýlishúsi með lyftu. Frábært útsýni er úr alrími eignarinnar yfir Reykjanesfjallgarðinn.
Falleg eign á góðum stað.
Aukin lofthæð 2,66 m.
Bílastæði í bílakjallara með hleðslustöð(leigt).

Nánari uppllýsingar eru hjá Jens Magnúsi lgf í síma 893-1984 eða magnus@eignaland.is

Nánari lýsing
Forstofa:
Komið er inn í rúmgóða forstofu með góðu skápaplássi. Frá forstofu liggur gangur að öðrum rýmum íbúðarinnar.
Eldhús / alrými:
Eldhús og stofa mynda einstaklega fallegt og bjart alrými. Eldhúsið er með vönduðum dökkum innréttingum, góðu skápa- og vinnuplássi og stórri eyju sem tengir eldhúsið vel við borðstofu og stofu. Innréttingarnar gefa rýminu hlýlegt og nútímalegt yfirbragð.
Góð aðstaða er fyrir borðstofuborð og er alrýmið rúmgott og vel nýtt. Stórir gluggar hleypa góðri birtu inn í rýmið.
Stofa:
Stofan er björt og opin við eldhús og borðstofu. Úr alrýminu er útgengt á timburverönd og sérafnotaflöt við húsið.
Svefnherbergi:
Svefnherbergin eru tvö. Hjónaherbergið er rúmgott með góðu skápaplássi og annað svefnherbergi nýtist vel sem barna-, gesta- eða vinnuherbergi.
Baðherbergi:
Baðherbergið er einstaklega snyrtilegt og vandað. Flísar eru á gólfi og veggjum og þar er rúmgóð sturta með glerþili, upphengt salerni og falleg innrétting með skúffum og speglaskáp. Handklæðaofn er á baðherbergi.
Þvottaaðstaða er innan baðherbergis með góðu plássi fyrir þvottavél og þurrkara.
Geymsla:
Sérgeymsla eignarinnar er 7,2 fm og er staðsett í sameign hússins.

Húsið
Áshamar 48 er hluti af húsakjarna Áshamars 42–48. Byggingarnar eru Svansvottaðar og hönnun þeirra tekur meðal annars mið af góðri loftræstingu, hljóðvist, orkunýtni og nýtingu dagsbirtu.
Lyfta er í húsinu og sér loftskiptakerfi er innan íbúða. Í kjallara eru sérgeymslur auk sameiginlegrar hjóla- og vagnageymslu. Húsin Áshamar 42–48 deila einnig bílakjallara.
Staðsetning
Áshamar 48 er vel staðsett í Hamraneshverfi, nýlegu íbúðahverfi í Hafnarfirði þar sem mikil áhersla hefur verið lögð á tengsl byggðarinnar við náttúruna. 
Eitt af einkennum svæðisins er nálægðin við opin náttúrusvæði. Á vefsvæði Hafnarfjarðarbæjar kemur fram að hverfið liggi í dalverpi þar sem grónar hlíðar og hraun setja sterkan svip á umhverfið.
Nýr leikskóli, Áshamar, er við Áshamar 9 í hverfinu. Hann hefur rekstrarleyfi fyrir allt að 120 börn og leggur meðal annars áherslu á útikennslu og nýtingu náttúrunnar í nærumhverfinu.

Um er að ræða einstaklega snyrtilega og vel skipulagða eign þar sem vandað eldhús, bjart alrými, tvö góð svefnherbergi og góð útiaðstaða mynda skemmtilega heild.
Frábær eign í nýlegu húsi á góðum stað í Hamraneshverfi.

Nánari upplýsingar eru hjá fasteignasala:
Jens Magnús Jakobsson í síma 893-1984 eða magnus@eignaland.is