Einarsnes 4

Einstaklega bjart og fallegt álklætt endaraðhús á tveim hæðum ásamt áföstum bílskúr í Skerjafirðinum. Stórbrotið útsýni til suðurs, vesturs og norðurs. Húsið hefur fengið almennt gott viðhald í gegnum árin. Eignin verður ekki sýnd fyrir opið hús. 

Eignin er skráð skv. Þjóðskrá Íslands alls 181 fm. og þar af er bílskúr skráður 22,9 fm. 
Fasteignamat fyrir árið 2026 verður kr. 147.050.000 

Nánari lýsing eignar: 
Anddyri með fataskáp og flísum á gólfi. 
Hol er bjart og með flísum á gólfi og geymsluskápum. 
Hjónaherbergi með parketi og góðu fataherbergi inn af. 
Barnaherbergin eru tvö og eru bæði parketlögð.  
Baðherbergi endurnýjað árið 2019 með baðkari með sturtuaðstöðu, snyrtileg innrétting, hiti í gólfi og flísalagt í hólf og gólf.
Fallegur stigi er úr holinu upp á efri hæðina. Undir stiganum hefur rýmið verið vel nýtt fyrir skápa og geymslupláss.
Innangengt er í bílskúrinn úr holinu. Í dag er hann útbúinn að hluta sem vinnuherbergi og hinn hlutinn hefur verið innréttaður sem þvottahús/geymsla. Útgengt er úr þvottahúsinu út á bílaplan og úr herbergi út í garðinn. Ný rafmagnstafla með þriggja fasa rafmagni var sett upp árið 2022 og lagt fyrir rafhleðslustöð. Mögulegt  væri að breyta bílskúrnum í einstaklingsíbúð. Bílastæði eru fyrir framan bílskúrinn og húsið þar sem hægt er að leggja allt að fjórum bílum.  

Efri hæðin: Þar er komið inn á stórt opið flísalagt rými þar sem er eldhús, borðstofa og stofa með góðri lofthæð. Útsýnið þarna er stórbrotið, mjög mikil víðsýni út á hafið og allt til Snæfellsjökuls. Einnig er búr og baðherbergi á hæðinni. 
Eldhús var endurnýjað árið 2019, hvít innrétting, innbyggður ísskápur og frystir, innbyggð uppþvottavél, helluborð, ofn og flísar á gólfi.  
Borðstofa og stofa er stórt L-laga rými með flísum á gólfi og gólfhita. Útgengt er út á stórar svalir í vestur sem teygja sig svo yfir á bílskúrinn þar sem er einstaklega fallegt útsýni þar sem sjón er sögu ríkari. Lögun stofunnar býður upp á möguleikann á að bæta við  litlu herbergi. 
Snyrting með glugga, sturtu, salerni, vask og flísalagt í hólf og gólf.  
Búr er við eldhúsið með glugga.  

Stór og fallegur aflokaður garður í góðri rækt þar sem er sólar nýtur allan daginn og langt fram á kvöld. Fallegt útsýni til sjávar er frá garðinum. Gott geymslurými er í nýlegum skjólveggjum við pallinn.  Skipulagi hússins hefur verið breytt og eru meðfylgjandi teikningar í samræmi við skipulag eignarinnar í dag.  

Viðhaldssaga hússins: 
Efri hæð hússins var klædd að utan með vönduðum álplötum árið 2003 og þá var húsið einangrað að utan að hluta.  
 
2019 
·        Nýtt eldhús 
·        Nýtt baðherbergi á neðri hæð 
·        Lýsing endurnýjuð 


2021  
·        Skipt um gler í nánast öllu húsinu  og sett í hljóðeinangrunargler sem stenst hljóðkröfu upp á 39 dB 
·        Ný hurð sett í bílskúr að framanverðu 
·        Gluggar málaðir að utan 
·        Geymsla innréttuð undir stiga 
2022  
·        Opnað úr íbúðarrými yfir í bílskúr og honum breytt í herbergi og þvottahús – ofnar í bílskúr endurnýjaðir og gólfhiti lagður 
·        Skjólveggir við pall endurnýjaðir og við hann byggðir rúmgóðir útigeymsluskápar. 
·        Tvö lítil barnaherbergi sameinuð í eitt. 
·        Ný rafmagnstafla – þriggja fasa rafmagn og hleðslustöð fyrir rafbíl sett upp 
·        Allir rofar og tenglar endurnýjaðir. 
2023 
·        Múrviðgerðir á suðausturhlið 
·        Gólfefni í stofu endurnýjað (gegnheilar terrasso flísar,(120x120 cm) og gólfhiti lagður. 
·        Ofnar í stofu endurnýjaðir. 
·        Gólfefni í svefnherbergjum endurnýjað (vinylparket með hljóðdempandi undirlagi) 
·        Fataskápar í fataherbergi hjóna endurnýjaðir  
·        Svalagólf endurnýjað 
2024 
·        Húsið málað að utan 
·        Skipt um innihurðir á neðri hæð 
2025 
·        Nýr skjólveggur við inngang


Allar nánari uppýsingar um eignina veita Kristján Baldursson hdl. og löggiltur fasteignasali í síma 867-3040 eða á netfanginu kristjan@trausti.is eða Guðbjörg G. Sveinbjörnsdóttir löggiltur fasteignasali í síma 899-5949 eða gudbjorg@trausti.is