Þjóðólfshagi 4

Helgafell fasteignasala og Linda Björk Ingvadóttir löggiltur fasteignasali kynna fallegan og vel skipulagðan sumarbústað/einbýlishús ásamt gestahúsi við Þjóðólfshaga 4 í Rangárþingi ytra. Stór og góður pallur í kringum húsið með heitum potti, grillskýli og lóðin kjarri vaxinn. 8.000fm afgirt eignarlóð. Selst með innbúi. Stutt í margar náttúruperlur. 

Samkvæmt skráningu Þjóðskrár er aðalhæð hússins 84 fm, kjallari 84 fm, svefnloft 15 fm og geymsla 2,2 fm. Heildin á húsinu er því 185,2 fm og gestahúsið er 12 fm. Samtals 197,2 fm. Áður var eignin skráð sem sumarhús en skráð sem einbýlishús í dag. Leyfilegt er að byggja í viðbót, má vera í heild 400 fm og því margir möguleikar í boði.

Sumarbústaður/einbýlishús skiptist í:

Forstofa með fatahengi, flísum og hita í gólfi. 
Eldhús með fínum innréttingum, tengi fyrir uppþvottavél, góðum borðkrók, parket og hita í gólfi. 
Stofa er rúmgóð og björt með parketi og hita í gólfi. Hátt til lofts. Útgengi á stóra verönd. 
Tvö svefnherbergi með hjónarúmi, kommóðu, parketi og hita í gólfi.
Svefnherbergi með koju, 1.5 niðri og einfalt fyrir ofan. Parket og hiti í gólfi. 
Baðherbergi með innréttingu, walk in sturtu, handklæðaofni, upphengdu salerni, hiti í gólfi, flísar í hólf og gólf. Útgengi á veröndina nálægt heita pottinum. 
Svefnloftið er rúmgott með parketi á gólfi. Gott geymslupláss undir súð. Skráð 15 fm en er þó stærra þar sem hluti þess er ekki í fullri lofthæð.
Kjallari er undir öllu húsinu, gengið í gegnum geymslurýmið. Í kjallara er stórt þvottahús, tvö stór geymslurými og tómstundarherbergi. Gólfin eru máluð. 

Gestahús er við hlið hússins og með yfirbyggða verönd fyrir framan. Í húsinu er svefnherbergi með parketi á gólfi og baðherbergi með salerni, vask og opnanlegum glugga. 

Veröndin er stór og kringum allt húsið. Hitaveitupottur fyrir aftan hús ásamt grillskýli. Mörg útiljós fyrir utan og því mjög falleg lýsing á kvöldin. Lóðin er kjarri vaxin á afgirtri eignarlóð. Leiktæki og hænsnakofi á lóðinni. 

Húsið og gestahúsið eru byggð árið 2008. Húsið er timburhús og stendur á steyptum kjallara. Klætt að utan með bjálkaklæðningu og litað járn á þaki. Hiti í gólfum á aðalhæð hússins ásamt ofnum. Gott viðhald hefur verið á húsinu. Nýlegar þakrennur. Baðherbergi endurnýjað. Skipt um öll gólfefni og innihurðar á aðalhæð hússins. Nýlegt þak á gestahúsi og grillskýli.

Þar sem eignin er skráð sem einbýlishús í dag þá sér sveitafélagið um snjómokstur að húsinu og einnig hægt að vera með sorptunnur. 

Mikil hestamennska á svæðinu, stutt í Hestheima. Aðeins klukkstund frá bænum og korter frá Selfossi. Einungis 2 km frá hringveginum.  

**Möguleiki á skiptum á íbúð á höfuðborgarsvæðinu**

Fyrir nánari upplýsingar hafið samband við:
Linda Björk Ingvadóttir löggiltur fasteignasali
s. 868 7048 / linda@helgafellfasteignasala.is