Hraunteigur 23

Miklaborg kynnir: Hraunteigur 23 – Falleg fjögurra herbergja íbúð á eftirsóttum stað

Björt og vel skipulögð íbúð á fyrstu hæð, 106,6 fm samkvæmt Þjóðskrá Íslands. Íbúðin samanstendur af þremur svefnherbergjum, rúmgóðri stofu og borðstofu í opnu rými, eldhúsi, baðherbergi og geymslu.

Nánari upplýsingar veitir Kjartan Ísak Guðmundsson löggiltur fasteignasali í síma 663-4392 eða kjartan@miklaborg.is

Nánari lýsing

Eldhúsið er með parketi á gólfi, góðri innréttingu með stein á borðum og útgengi á svalir sem snúa í austur. Léttur veggur aðskilur eldhús og stofu, sem býður upp á möguleika á að opna rýmið enn frekar. Stofan og borðstofan mynda bjart og notalegt rými með stórum gluggum og parketi á gólfi.

Í holi eru hillur og fataskápur. Hjónaherbergið er rúmgott með stórum fataskáp og parketi, en barnaherbergin tvö eru einnig björt og með parketi. Baðherbergið er flíslagt, með opnanlegu fagi, snyrtilegri innréttingu, speglaskáp og rúmgóðum sturtuklefa með innbyggðum blöndunartækjum.

Í sameignar kjallara er sérgeymsla og sameiginlegt þvottahús.

Frábær staðsetning í vinsælu og fjölskylduvænu hverfi — aðeins 100 metra frá Laugardalslaug og World Class Laugum. Stutt í skóla, leikskóla og fjölbreytta þjónustu við Laugalæk með verslun, bakaríi, ísbúð, kjötmeistara og kaffihúsi.