Skógarlundur 21

Nýtt í sölu! Skógarlundur 21 Garðabæ

Fallegt fjölskyldu endaraðhús með 4 svefnherbergjum í Lundunum Garðabæ.

Lind fasteignasala / Heimir Hallgrímsson lögg. fasteignasali kynnir fallegt, mikið endurnýjað og vel skipulagt 164,0 fermetra endaraðhús með fjórum svefnherbergjum við Skógarlund 21 í Garðabæ. Búið er að útbúa hjónaherbergi með fataherbergi inn af og rúmgott þvottaherbergi þar sem áður var bílskúr. Útgengi úr stofu á sólríkan bakgarð með hellulagðri verönd og tyrfðum flötum. 

Húsið hefur farið í gegnum miklar viðhaldsframkvæmdir á síðustu 6 árum. Í samantekt þessari er stiklað á því helsta og er hægt að fá nánari samantekt hjá fasteignasala sem mun fylgja með söluyfirliti sem fylgiskjal. Má þar m.a. nefna að árunum 2019-2020 var eldhús endurnýjað að öllu leyti (innréttingar, gólfefni, lagnir, rafmagn og tæki), skipt var um glugga á norðurhlið og allar innihurðar endurnýjaðar. Þá var skipt um gler og gluggalista í stofu. Árið 2021 var bílastæði við hús stækkað og jarðvegsskipt. Á árunum 2021 - 2022 var bílskúr algjörlega endurhannaður/endurnýjaður þar sem framhlið bílskúrs var skipt út og hjónaherbergi, fataherbergi og þvottaherbergi komið fyrir. Í Þeim framkvæmdum var einnig skipt um glugga á bakhlið (inn af hjónaherbergi), komið fyrir gólfhita, nýjar vatns- og fráveitulagnir, ofnalagnir, rafmagn, gólfefni o.fl. Á árunum 2023 - 2025 var baðherbergi endurnýjað að öllu leyti (innréttingar, flísar, blöndunartæki o.frv.) ásamt því að neysluvatn var endurnýjað, skólplagnir út úr húsi, rafmagn o.fl. Þá er búið að koma fyrir hljóðdúk í loft allra svefnherbergja og gestasnyrting endurnýjuð (vatns- og fráveitulagnir, klósettgrind og skál). Auk þess er búið að skipta um einangrun og rakasperru í loftum. 

Eignin skiptist í: Forstofu, gestasnyrtingu, stofu, eldhús, geymslu/búr bakvið eldhús, svefnherbergisgang, hjónaherbergi með fataherbergi, 3 barnaherbergi, baðherbergi og þvottaherbergi. Góður geymsluskúr er á baklóð.

Staðsetning eignarinnar er afar góð í endanum á lokuðum botnlanga á eftirsóknaverðum stað við Skógarlund í Garðabæ þaðan sem stutt er í grunnskóla, leikskóla, fjölbrautarskóla, íþróttasvæði auk verslunar, þjónustu og veitingastaði. Fallegar hjóla- og gönguleiðir í næsta nágrenni.

Nánari lýsing:
Forstofa: Er endurnýjuð og rúmgóð, með flísum á gólfi og góðum skápum.
Gestasnyrting: Er nýlega endurnýjuð með flísum á gólfi, upphengdu salerni og vask.
Stofa: Er rúmgóð, með parketi á gólfi og gluggum til suðurs inn í bakgarð hússins. Stofa rúmar vel setustofu og borðstofu. Útgengi á baklóð/verönd frá stofu.
Eldhús: Hefur allt verið endurnýjað á afar smekklegan máta með sérsmíðuðum innréttingum (2mm eikar innrétting). Stór eyja og góður borðkrókur. Falleg dúkflísar frá Kjaran á gólfum. Innbyggður kæliskápur, innbyggð uppþvottavél, spansuðuhelluborð og Elvita vifta. Innfelld lýsing í loftum og gluggar til norðurs.
Geymsla/búr: Er staðsett bakvið eldhús, milli eldhús og stofu.
Hjónaherbergi: Var allt endurnýjað/endurbyggt nýlega með parketi á gólfi. Gólfhiti, hljóðdempandi klæðning í loftum og gluggar til suðurs. 
Fataherbergi: Er staðsett inn af hjónaherbergi með parketi á gólfi og góðum innréttingum
Þvottaherbergi: Er rúmgott, með flísum á gólfi og góðri innréttingu með miklu skápaplássi. Upphækkun undir þvottavél og þurrkara, vinnuborð og vaskur. Gluggi til norðurs og inngangshurð frá framhlið hússins. 
Baðherbergi: Er allt endurnýjað á virkilega fallegan máta. Flísar á gólfi og flísalögð sturta með innbyggðum blöndunartækjum. Sérsmíðuð innrétting við vask með innfelldum blöndunartækjum og speglaskáp fyrir ofan með lýsingu. Hiti í vegg (fyrir handklæði), upphengt salerni, innfelld ljós í loftum og opnanlegur gluggi til norðurs.
Svefnherbergi II: Með parketi á gólfi, hljóðdúk í lofti og glugga til norðurs.
Svefnherbergi III: Með parketi á gólfi, hljóðdúk í lofti, skápum og glugga til suðurs.
Svefnherbergi IV: Með parketi á gólfi, hljóðdúk í lofti, skápum og glugga til suðurs.

Útiskúr: Góður nýlegur geymsluskúr, um 15 fermetrar og með rafmagni, er staðsettur á baklóð hússins

Fallegur og barnvænn garður með góðri tyrfðri flöt og hellulagðri verönd sem er afgirt að hluta (til vesturs). Grindverk á lóðarmörkum milli húsa (austan megin) og hekk á lóðarmörkum til suðurs og vesturs. Búið er að jarðvegsskipta við bílastæði og koma fyrir rúmgóðum geymsluskúr líkt og að ofan greinir.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.