Skagfirðingabraut 35

Fasteignasala Sauðárkróks býður til sölu fasteignina við Skagfirðingabraut 35, Sauðárkróki ásamt tilheyrandi hlutdeild í sameign og lóðarréttindum.
Um er að ræða sjö herbergja íbúð og ris á efstu hæð í þríbýlishúsi, alls 148,4 fm. 
Húsið var steypt árið 1951 og eru alls fjórar hæðir að meðtöldum kjallara og rishæð. Í húsinu eru þrjár íbúðir. 
Lóðarstærð hússins alls er 365 fm.
Góð staðsetning. Stutt er í skóla, íþróttasvæði og íþróttahús, sundlaug, verslun o.fl.

Íbúðin skiptist í eldhús, stofu, borðstofu, baðherbergi, 2 herbergi, fataherbergi og hol. Ris skiptist í 3 herbergi, snyrtingu og stigapall.
Inngangur um steinsteyptar tröppur í anddyri sem er flísalagt. Frá anddyri er teppalagður stigi upp á rúmgóðan stigapall.
Stigapallur er parketlagður og að hluta teppalagður.
Frá honum er komið í parketlagt hol í íbúðinni.
Við hol er stofa, borðstofa, eldhús og herbergisgangur.
Eldhúsi er parketlagt og var endurnýjað fyrir nokkrum árum. Hiti í gólfi eldhússins. Hvít innrétting með viðarborðplötu. Ísskápur, uppþvottavél, helluborð, bakaraofn og örbylgjuofn er innbyggt og endunýjað á sama tíma og innrétting. Innrétting og tæki frá IKEA. Gott útsýni frá eldhúsglugga. Parketlögð stofa og borðstofa, hurð á milli. Útgangur á vestursvalir frá borðstofu.
Gangur er parketlagður og þar við baðherbergi, tvö parketlögð herbergi og fataherbergi.
Baðherbergi er flísalagt og með hvítri innréttingu, handklæðaofn, nýlegt sturtugler og sturtubotn. Tengi fyrir þvottavél og þurrkara á baðherbergi.
Bæði herbergin á hæðinni eru parketlögð.
Fataherbergi með hillum og skúffum. 
Frá anddyri er gengið inn á sameiginlegan stigagang sem liggur niður í kjallara þar sem er sameiginlegt þvottahús, sérgeymsla  og miðstöðvarkompa.
Gengið upp í ris frá holi og á parketlagðan stigapall. Þar við er gangur, 3 herbergi og snyrting.
Tvö herbergjanna eru rúmgóð og eitt minna. Parket á gólfum. Þakgluggar í herbergjum. Geymslupláss undir súð í öllum herbergjum.
Snyrting dúklögð, hvít tæki og innrétting. 

Nýlega hefur verið skipt um parket á neðri hæð í eldhúsi, holi, stofu, borðstofu, gangi og öðru herbergi.
Ný raflögn er í eldhúsi og úr þvottahúsi í kjallara.
Ljósleiðari er í íbúðinni.
Gluggar og þakskyggni var málað 2020.
Sumarið 2021 var byggður sameiginlegur timburpallur í garðinum.
Sumarið 2023 voru svalir endurnýjaðar, svalagólf er steypt.
Lagnir hafa verið myndaðar frá húsi og út í brunn. Brunnurinn er nýr.
Teppi var á stiga og stigapalli var endurnýjað í apríl 2026.

Nánari upplýsingar er að fá hjá Fasteignasölu Sauðárkróks í síma 453 5900 eða á netfangið fasteignir@krokurinn.is
Sunna Björk Atladóttir lögmaður og löggiltur fasteignasali
Eva Dögg Bergþórsdóttir löggiltur fasteignasali
Ella Magga, aðstoðarmaður fasteignasala