Öldugata 13

Betri Stofan fasteignasala og Þórir Skarphéðinsson lögmaður og lgfs, sími 844-9591 - thorir@betristofan.is, kynna:
Öldugata 13, einstaklega glæsilegt, vel skipulagt og mjög mikið endurnýjað tæplega 230 fermetra einbýlishús á þremur hæðum auk innréttaðs háalofts sem er óskráð.  Auka íbúð með sér inngangi er í kjallara og einkastæði á lóð. Húsið stendur á eftirsóttum stað við Öldugötu, steinsnar frá miðbæ Reykjavíkur. Eignin stendur á glæsilegri eignarlóð með afgirtum garði sem snýr til suðurs. Samþykktar teikningar frá 2011 af bílskúr og stækkun húss um 30 fermetra eru til staðar.

Eignin hefur verið mikið endurnýjuð á undanförnum árum sbr. upptalningu hér að neðan:
2010-2011

• Rafmagn og hiti, allt endurnýjað, nýjar lagnir og ofnar
• Gólf tekin upp, gegnheild eikarparket lagt auk gólflísa
• Innri veggir rifnir og húsið einangrað
• Allir gluggar yfirfarnir, skipt um gler og skipt um á neðri hæð á framhlið í forstofu og í kjallara
• Gamla baðherbergið rifið út auk eldhúss
• Skólplagnir endurnýjaðar, öllum pípulögnum skipt út

 2011-2012 

• Nýtt þak, fjórir þakgluggar settir í
• Húsið málað að utan

 2020

•  Háaloft einangrað og klætt

Nánari lýsing eignar: Þó að húsið hafi gengið í gegnum verulega endurnýjun hefur verið kappkostað að halda í þann mikla karakter sem er til staðar í húsinu og hönnun þess.
Aðalhæð: Komið er inn í flísalagt anddyri.  Inn af anddyri er gengið inn í parketlagt hol. Úr holi liggur stigi upp á aðra hæð.
Á annarri hæð eru þrjú rúmgóð svefnherbergi, gegnheilt eikarparket á gólfum. Flísalagt baðherbergi með baðkari er á hæðinni. Stigi uppá háaloft.
Háaloftið var einangrað og klætt á smekklegan hátt árið 2020 og þar er nokkuð gott rými sem þó telst ekki með í fermetrafjölda hússins.
Úr holi á fyrstu hæð hússins er gengið inn í rými sem hýsir endurnýjað eldhús, borðstofu og stofu. Gegnheilt eikarparket er á gólfum.  Stigi liggur niður á kjallara:
Íbúð í kjallara: Á jarðhæð hússins er íbúð með sérinngangi þar sem komið er inní flísalagt anddyri og er þaðan opið inní eldhús. Stofa og rúmgott svefnherbergi með gegnheilu eikarparketi á gólfum. Flísalagt baðherbergi með sturtuklefa. 
Þvottahús og rúmgóðar geymslur eru á hæðinni en þaðan er útgengt út í garðinn. Garður hússins er skjólgóður og snýr til suðurs.

Samþykktar teikningar af bílskúr og stækkun húss um 30 fermetra eru til staðar.

Þorleifur Eyjólfsson húsameistari teiknaði húsið. Þorleifur teiknaði fjölda húsa og kom fram með merkar nýjungar í reykvískri húsagerð á árunum 1925-1932 og má segja að hann hafi innleitt straumlínulagið í íslenskan arkitektúr þess tíma. 

Hér er um að ræða glæsilegt einbýlishús á besta stað í borginni með miðborgina og Grandann í nokkurra mínútna göngufjarlægð. Öll helsta þjónusta, verslun, kaffi- og veitingahús allt í kring ásamt fjölbreyttu menningarlífi. Skólar á öllum stigum í nágrenninu. 

Nánari upplýsingar veitir Þórir Skarphéðinsson lögmaður og löggiltur fasteignasali, í síma 8449591, tölvupóstur thorir@betristofan.is.