Meðalholt 21

RE/MAX og Guðrún Lilja löggiltur fasteignasali kynna í einkasölu: Björt og vel skipulögð 4 herbergja 80,6 fm. íbúð á eftirsóttum stað í rólegri einstefnugötu við Meðalholt 21, 105 Reykjavík. Íbúðin skiptist í forstofuhol, eldhús, baðherbergi, tvö svefnherbergi, stofu og borðstofu, sameiginlegt þvottahús og sérgeymslu 3,2 fm. staðsetta í sameign.  Eignin getur verið laus við kaupsamning eða eftir samkomulagi.

Eignin hefur fengið reglulegt viðhald og töluvert búið að endurnýja á síðustu árum, m.a. þak og rennur, dren og skólp, gluggar, gler ofl.

Góð eign á eftirsóttum stað miðsvæðis í Reykjavík þar sem stutt er í leik- og grunnskóla, samgöngur, alla helstu þjónustu og verslanir. 

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

Nánari upplýsingar gefur Guðrún Lilja Tryggvadóttir, löggiltur fasteignasali í síma 867-1231, gudrunlilja@remax.is

Nánari lýsing: 
Eignin er á tveimur hæðum, skráð 3 herbergja íbúð en opið rými á neðri hæð er notað í dag sem svefnherbergi. Það rými er skráð skv. eignaskiptayfirlýsingu geymsla og 01-0003 á teikningu stærð 16,7 fm., ekki með fullri lofthæð.  Sameiginleg rými eru í kjallara, þá sameiginlegt þvottahús, geymsla og lítil útigeymsla undir tröppum.  Forstofa íbúðar tilheyrir sameign tveggja íbúða en í húsinu eru samtals fjórar íbúðir.
Forstofuhol íbúðar er með innfellt fatahengi, flísar á gólfum.
Eldhús er með nýlegri hvítri innréttingu og flísum á milli skápa. Eldavél og bökunarofn. Flísar á gólfum. Stór og bjartur gluggi með opnanlegu fagi.
Baðherbergi er með flísalögðum veggjum og sturtu, vaski, speglaskáp og salerni. Gluggi er með opnanlegu fagi.
Svefnherbergi á efri hæð er rúmgott og bjart með nýlegum stórum fataskápum, parket á gólfum.
Stofa og borðstofa er í björtu og opnu samliggjandi rými, einfalt væri að útbúa auka svefnherbergi. Parket á gólfum.  Úr borðstofu er fallegur hringstigi niður á neðri hæð í opið rými (skráð geymsla) sem er í dag nýtt sem svefnherbergi en býður upp á ýmsa möguleika.  Einnig er aðgengi að herberginu frá sameign í kjallara.
Sameiginlegt þvottahús í kjallara er með tengi fyrir þvottavél og þurrkara.
Sérgeymsla í sameign um 3,2 fm. að stærð merkt 01-0008.
Garður er sameiginlegur, stór og gróinn.

Viðhald og endurbætur síðustu ára:
Skipt hefur verið um glugga og gler að hluta. Eldhús og baðherbergi endurnýjað að hluta. Rafmagnstenglar og rofar, endurnýjaðir að hluta. Eldhús og baðherbergi, endurnýjað að hluta.Húsið var drenað 2020.  Nýjar þakrennur og þak yfirfarið/lagað 2017-2018. Skólp undir húsinu endurnýjað 2024, framkvæmdum nýlokið. 

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.