Vindakór 2

RE/MAX & HERA BJÖRK Lgf. (herabjork@remax.is  / 774-1477 ) kynna: 
Einstaklega rúmgóð, björt og falleg 5 herbergja íbúð á 1. hæð með góðum palli og bílastæði í lokuðum bílakjallara við Vindakór 2 í Kórahverfi Kópavogs. Íbúðin er samtals 149,10 fm að stærð, þar af eru 142 m² íbúðarrými og 7,1 m² sérgeymsla. 

** SMELLIÐ HÈR fyrir nánari upplýsingar og/eða til að bóka tíma í skoðun **
** SMELLIÐ HÉR til að fá söluyfirlitið sent samstundis **

Eignin er samtals 149,10 m² samkvæmt Þjóðskrá Íslands og samanstendur af íbúð (142 m²) með 4 góðum svefnherbergjum, stofu, borðstofu, eldhúsi, forstofu, þvottaherbergi og baðherbergi með sturtu og baðkari. Sérgeymsla í kjallara er 7,1 m². 

** SMELLTU HÉR og skoðaðu HÚSIÐ í 3-D, þrívíðu umhverfi **

Nánari lýsing:
Forstofa: Gengið inn (sérinngangur) í flísalagða forstofu með góðum og háum skáp. Úr forstofu er gengið í inn í rúmgott alrými og þaðan inn í aðrar vistarverur. 
Alrými: Gengið inn í bjart og opið eldhús með fallegri innréttingu.  Gott vinnu- og skápaplássi og bakarofn í vinnuhæð. Nýr vaskur og blöndunartæki og tengi fyrir uppþvottavél. Stór eyja með helluborði, áföst vegg, sem tengir saman eldhús og borðstofu. 2023 var eyjan lengd, skipt um borðplötur og vínrekki settur ofan við ískáp. Einnig voru efriskápar hækkaðir og fengu við þá breytingu nýjar hurðir. Borðstofan er rúmgóð og samliggjandi við eldhús. Þar er einnig myndarlegur arinn sem gefur rýmingu mjög hlýlegt yfirbragð. Úr borðstofu er svo gengið út á stóran og góðan pall. Inn af borðstofu er Stofan og þar er búið að setja upp auka svefnherbergi sem að auðvelt er að fjarlægja ef vill. Alrýmið er allt með fallegu harðparketi á gólfi. 
Hjónaherbergi: Rúmgott með góðum skápum sem ná upp í loft.  Harðparket á gólfi.
Herbergi I: Rúmgott með háum skáp og Harðparket á gólfi. 
Herbergi II: Rúmgott með háum skápu og Harðparket á gólfi. 
Herbergi III: Var bætt við inn af stofu og auðvelt að fjarlægja ef vill. Bjart og parket á gólfi. 
Baðherbergi: Er mjög rúmgott með sturtu, baðkari, upphengdu salerni og handklæðaofni. Falleg eikar innrétting frá Axis með góðum skúffum undir vaskaborði. Dökkar flisar á gólfi og ljósar á veggjum við bað og sturtu. 
Þvottahús:  Er flísalagt með vönduðum innréttingum fyrir þvottavél og þurrkara í vinnuhæð. Skúffur fyrir neðan vélar,  skápar fyrir ofan og ræstiskápur til hliðar. 
Pallur: Gengið úr stofu út á skjólgóðan og sólríkan 60 m² pall.
Geymsla: Rúmgóð 7,1 m² sérgeymsla í sameign. 
Sameign: Snyrtileg lóð og sameign með sameiginlegri hjóla- og vagnageymsla.
Bílastæði: Sérmerkt í lokaðri bílageymslu. Búið er að setja upp tengi fyrir rafhleðslustöð þar. Næg ómerkt bílastæði á lóð.
Gólfefni íbúðarinnar eru harðparket og flísar og innréttingar, skápar og hurðar frá AXIS. 

Virkilega skemmtileg, vel skipulögð og björt jarðhæð í Kórahverfi Kópavogs. Húsið er 5 hæða fjölbýli með kjallara, byggt 2007.
Eignin er vel staðsett í þessu vinsæla og fjölskylduvæna hverfi og í mjög þægilegu göngufæri við verslanir, skóla og leikskóla. Frábær staðsetning þar sem stutt er í Kórinn íþróttamiðstöð HK, fallegar gönguleiðir, útivistarsvæðið við Heiðmörk og hestamannafélagið Sprett svo eitthvað sé nefnt. 
 
Allar nánari upplýsingar um eignina veitir Hera Björk, löggiltur fasteignasali í síma 774-1477 eða á netfangið herabjork@remax.is 

Um skoðunar- og aðgæsluskyldu kaupenda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill því RE/MAX skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi er af heildarfasteignamati - Einstaklingar 0,8% - Fyrstu kaupendur 0,4% - Lögaðilar 1,6%.
2. Þinglýsingargjald af kaupsamningi, veðskuldabréfi, veðleyfi og fl. 3.800 kr. af hverju skjali.
3. Lántökugjald lánastofnunar - samkvæmt gjaldskrá lánastofnunar.
4. Umsýslugjald til fasteignasölu 69.900 kr. m.vsk
__________________________
Ertu í fasteignahugleiðingum?
Ég hef starfað við fasteignasölu síðan árið 2016 og legg mig fram um að veita persónulega og góða þjónustu, viðhalda góðu upplýsingaflæði og vanda vinnubrögð fyrir seljendur og kaupendur. Hjá mér færðu frítt sölumat og upplýsingar um ferlið án allra skuldbindinga. Hafðu samband í dag í síma 774-1477  eða á netfangið herabjork@remax.is.