Björkurstekkur 51

Helgafell fasteignasala og Hólmar Björn Sigþórsson löggiltur fasteignasali kynna í einkasölum Björkurstekk 51, 800 Selfoss: 

Fallegt og vel skipulagt 5 herbergja parhús með innbyggðum bílskúr. Húsið er timburhús, klætt að utan með lituðu járni. Birt stærð eignar er 189.1 fm og þar af er íbúðarhluti 152.6 fm og bílskúr 36.5 fm. Eignin skiptist anddyri, stofa / borðstofa og eldhús í opnu alrými, gangur, fjögur svefnherbergi, baðherbergi og gestasalerni, þvottahús og bílskúr. Eignin afhendist rúmlega á byggingarstigi 3 - fullgerð bygging að utan og tilbúin til innréttinga samkvæmt skilalýsingu. Möguleiki er á að fá húsið lengra komið eftir samkomulagi.

SMELLIÐ HÉR TIL AÐ FÁ SENT SÖLUYFIRLIT STRAX

Skilalýsing á byggingarstig 3 -  tilbúin til innréttingar: 

Frágangur utanhúss:
Útveggir: Útveggir eru byggðir upp úr timbri og klæddir að utan með grárri báruklæðningu.
Þak og loft: Þak er byggt upp úr kraftsperrum og klætt hvítri báruklæðningu. Skilast með lagnagrind án klæðningar (eða gifsklætt með einu plötulagi eftir nánara samkomulagi við fyrirhugaða kaupendur). Einnig er gert ráð fyrir möguleika á frágangi lofta með hljóðdúk.
Þakskegg: Vindskeiðar og undirklæðning eru úr timbri í hvítum lit. 
Gluggar og hurðir: Gluggar og hurðir eru ál-tré gluggar úr furu, álklæddir að utan í hvítum lit og málaðir í hvítum lit að innan. 
Útiljós: Útiljós utan á húsi eru óuppsett.
Lóð: Lóðin skilast grófjöfnuð með grjótmulning í bílaplani. Forsteypt sorpskýli fyrir þrjár tunnur verða komin. 

Frágangur innanhúss:
Inniveggir: Veggir milli íbúða eru byggðir upp úr timbri, einangraðir og klæddir með gifsi íbúðarmegin. Veggur milli skúrs og íbúða eru byggðir úr timburgrind, einangraðir og klæddir með gifsi. Aðrir milliveggir innan eigna eru byggðir úr blikkstoðum, klæddir tvöföldu gifsi beggja vegna og einangraðir.
Lagnir:  Frárennslislagnir eru tengdar fráveitukerfi í götu. Hitalagnir eru steyptar í gólfplötu og tengdar við tengikistu (nemar og stýringar fylgja ekki). Neysluvatnslagnir eru tengdar við tengikistur. Innbyggður salerniskassi í votrýmum hefur verið settur upp og hann klæddur af og tengdur.
Raflagnir: Raflagnir og dósir eru frágengnar samkvæmt raflagnateikningu, rafmagnstafla er uppsett og ídrátt fyrir vinnulýsingu í loftadósum lokið. Gengið er útfrá utanáliggjandi rafmagni í bílskúr að mestu.

Almennt:
Seljandi greiðir gatnagerðargjald, byggingarleyfis og stofngjöld holræsa ásamt inntaksgjöld rafmagns, hitaveitu og kaldavatns.
Kaupandi greiðir 0,3 % skipulagsgjald þegar það er lagt á við endanlegt brunabótamat. 
 
Byggingaraðili: Fortis ehf.

Góð staðsetning þar sem stutt er í alla helstu þjónustu. Í göngufjarlægð frá Stekkjaskóla sem er nýr og glæsilegur grunnskóli í hjarta hverfisins. 

Nánari upplýsingar og bókun á skoðun gefur Hólmar Björn Sigþórsson, löggiltur fasteignasali og félagsmaður í Félagi fasteignasala í s. 893 3276 eða í netfangið holmar@helgafellfasteignasala.is.