Votakur 1

Fasteignasalan TORG kynnir: Virkilega fallegt og vel staðsett 498,9 fm einbýlishús á tveimur hæðum við Votakur 1 í Garðabæ. Eignin skiptist í 5 svefnherbergi, tvö baðherbergi, gesta salerni, eldhús, stofu, borðstofu, sjónvarpsherbergi, bíósal, líkamsræktarherbergi, vínherbergi og þvottahús. Á sólpalli er sauna hús með útisturtu. Allar nánari upplýsingar veitir Darri Örn Hilmarsson, löggiltur fasteignasali, í síma 767-0000 eða tölvupósti: darri@fstorg.is 

Sigurður Hallgrímsson arkitekt hjá Arkþing teiknaði/hannaði húsið.

Nánari lýsing: Húsið er á tveimur hæðum og er efri hæðin á tveimur pöllum. Komið er inn í rúmgott anddyri með fataskápum. Við anddyri er gestasnyrting. Gengið er frá anddyri inn á rúmgóðan gang og stórt alrými með mikilli lofthæð en þar er samliggjandi eldhús, borðstofa og stofa. Eldhús er rúmgott með góðu skápaplássi og hvítri sprautulakkaðri innréttingu. Ísskápurinn er tvöfaldur með vínkæli. Stofan er með fallegum arni og stórum gluggum sem gefa góða birtu. Rennihurð er út á verönd frá stofu. Sólpallur er við nánast allt húsið en á honum er heitur pottur og sauna hús með útisturtu. Svefnherbergis álman er með þremur rúmgóðum barnaherbergjum og hjónaherbergi með fataherbergi. Sjónvarpsherbergi og aðal baðherbergið er fyrir miðju í álmunni en baðherbergið er með baðkari og sturtu, góðum innréttingum og terrazzo á gólfum. Gengið er niður opinn og góðan stiga niður á neðri hæð hússins. Á neðri hæðinni er annað svefnherbergi / skrifstofa, líkamsræktar herbergi, bíósalur, vínherbergi með hillum og kælibúnaði, þvottahús með góðum innréttingum þar sem gert er ráð fyrir þvottavél og þurrkara í vinnuhæð, baðherbergi með sturtu og fallegri innréttingu.  Innangengt er í rúmgóðan bílskúr með epoxi á gólfi og innréttingu. Inn af bílskúr er rúmgóð geymsla með hillum.

Samantekt: Um er að ræða einstaklega glæsilegt hús á frábærum stað í Akrahverfinu í Garðabæ. Húsið stendur á hornlóð neðst í hverfinu á einstökum stað niður við gróinn dal og læk. Húsið stendur ofan götu og engin byggð er fyrir neðan. Stórir gluggar gera húsið einstaklega bjart og er rýmismyndun afar falleg. Hátt er til lofts og er ofanbirta í stofu, fataherbergi og á baði. Ekki láta þetta fallega hús fram hjá þér fara.  

Allar nánari upplýsingar veitir Darri Örn Hilmarsson, löggiltur fasteignasali, í síma 767-0000 eða tölvupósti: darri@fstorg.is