Bjarkarás 7

Lind fasteignasala og Hrafn Valdísarson löggiltur fasteignasali kynna stórglæsilega og einstaklega vel skipulagða 3ja herbergja efri hæð með sérinngangi í tvíbýli við Bjarkarás 7 í Garðabæ.
Stærð eignarinnar er alls 143.0 fm og skiptist samkæmt Þjóðskrá Íslands í 138,4 fm íbúð og 4.6 fm geymslu. Sér bílastæði í upphitaðri bílageymslu fylgir eigninni, ásamt hlut í sameiginlegum rýmum og reiðhjólageymslum.
Víðsýnt er úr eigninni m.a. til Esju, Bláfjalla, Helgafells og Keilis.
Rúmgóðar og skjólstæðar svalir snúa til suðvesturs.
Eignin skiptist í forstofu, hol, Baðherbergi, tvö svefnherbergi og fataherbergi. Borðstofa, stofa og eldhús eru í opnu rými. Innaf eldhúsi er þvottahús auk geymslu/býtibúrs.

Allar upplýsingar veitir Hrafn Valdísarson Löggiltur fasteignasali í síma 845-9888 eða hrafn@fastlind.is.

Nánari lýsing
Gengið er upp upphitaðar og vel upplýstar útitröppur. Yfir palli við inngang er steypt skyggni. 
Forstofa: Rúmgóður fataskápur auk skúffueiningar. Hurð með gleri skilur að forstofu og hol.
Hol: Rúmgott og skiptist í tvö rými.
Baðherbergi: Vel skipulagt, með stórum glugga og flísalagt í hólf og gólf. Hvítar mattar flísar á veggjum, hvít innrétting frá HTH með miklu skápaplássi. Stórt baðkar og sturtuklefi úr gleri.
Eldhús: Hvítar innréttingar frá HTH og hvítar mattar flísar á heilum vegg. Vönduð tæki: Innfellt spanhelluborð frá AEG, innbyggð uppþvottavél frá AEG, vandaður háfur frá Elica og bakstursofn í vinnuhæð frá Miele. Stór undirfelldur vaskur með sorpkvörn og vönduðum blöndunartækjum frá Mora. Stór gluggi til austurs.
Þvottahús: Með innréttingu og stálvaski, staðsett inn af eldhúsi.
Geymsla/býtibúr: Inn af þvottahúsi er hólfað geymslurými.
Stofa og borðstofa: Samliggjandi rými með mjög stórum gluggum og útgangi á rúmgóðar svalir með útsýni til Keilis og yfir miðju lóðar. 
Hjónaherbergi: Rúmgott, með útsýni til Esju. Þrír gluggar, þar af tveir hringlaga stássgluggar. 
Fataherbergi: Með vönduðum innréttingum og miklu skápaplássi inn af svefnherbergi.
Svefnherbergi: Mjög rúmgott með stórum hornglugga og útsýni til fjalla.
Geymsla: 4.6 fm með sér inngangi og aukinni lofthæð. 
Rúmgott einkastæði í bílageymslu með tengingu fyrir rafbíl auk bakplötu fyrir hleðslustöð. Einnig aðgengi að rafhleðslustöðvum á sameiginlegum útistæðum. Innst í stæði í bílageymslu er pláss fyrir rekka.

Öll gólf flísalögð ljósgráum flísum. Ljós quartz steinn í öllum borðplötum.
Viðhald húsa og umhirða lóðar á vegum húsfélags. 

Bjarkarás er verðlaunagata og hefur Bjarkarás 1-15 hlotið sérstakar viðurkenningar fyrir fallega lóð og vel hirt umhverfi frá Garðabæ