Hörðaland 22

Fjögurra herbergja, 85,6 fm., íbúð á annarri hæð í fjölbýlishúsi að Hörðalandi 22 í Reykjavík.
Íbúðin skiptist í forstofu / hol, sem er með fataskápum, tvö barnaherbergi (nú sameinuð í eitt), svefnherbergi með fataskápum, stofu með útgengi út á rúmgóðar og skjólsælar suðursvalir, eldhús með eldri innréttingu og borðkrók, baðherbergi, sem er flísalagt, baðkar / sturtuklefi, tengi fyrir þvottavél.
Gólfefni íbúðarinnar er parket og á baðherbergi eru flísar.
Í sameign er sameiginlegt þvottahús, þurkherbergi, sameiginleg hjólageymsla og sérgeymsla.
Enda þótt íbúðin teljist á annarri hæð, eru einungis fáeinar tröppur úr forstofu upp á 2. hæð.
Fyrir framan húsið (að norðanverðu) er stórt, sameiginlegt bílastæði, að sunnanverðu er sameiginlegur, vel gróinn garður.

Unnið var að utanhússframkvæmdum í sumar, (múrviðgerðir og málning) auk þess sem skipt var um glugga og gler íbúðarinnar í júlí 2025, stofugluggi og gler auk svalahurðar voru endurnýjuð fyrir fáum árum. Að sögn eigenda var þak hússins endurnýjað árið 2023.

Íbúðin er laus til afhendingar við kaupsamning.

Til þess að fá frekari upplýsingar um eignina eða bóka skoðun, hafið samband við Skúla Sigurðarson löggiltan fasteignasala í síma 898 7209 skuli@bjargfast.is