Lautarvegur

20 fm þaksvalir - Tvö bílastæði - Sérinngangur - Útsýni

Valhöll fasteignasala kynnir mjög skemmtilega 3ja herbergja sérhæð á efstu hæð í nýbyggingu við Lautarveg neðst í Fossvogsdalnum. Tvennar svalir og þar af 20 fm þaksvalir sem njóta sólar frá austri, suðri og vestri. Tvö sérbílastæði á lóðinni fylgja eigninni. Sérinngangur og fínt útsýni. Gluggar á öllum hliðum.

Frábær staðsetning neðst í Fossvogsdalnum og í allt sem hann hefur upp á að bjóða. Frábærar göngu- og hjólaleiðir inn eftir dalnum og til vesturs í átt að Nauthólsvík.

Hæðin er skráð 119,4 fm á stærð og skiptist í 103,9 fm íbúð, 3,5 fm geymslu innaf svölum og 9 fm geymslu í kjallara. Tvö bílastæði á lóð fylgja íbúðinni.

Hæðin er c.a. tilbúin til innréttinga og skráð á byggingarstigi 2 (fokhelt). Hæðin selst í því ástandi sem hún er núna fyrir utan þau atriði sem fylgja með og eru nefnd neðar í lýsingu. Búið er að teikna glæsilegt eldhús, baðherbergi og fataherbergi og fylgja þær teikningar með. 

Þetta er frábært tækifæri til að eignast glæsilega sérhæð á eftirsóttum stað og innrétta hana að eigin höfði eða fylgja eftir glæsilegum teikningum sem þegar hafa verið gerðar og fylgja með.

Skipulag:
Gengið er inn í íbúðina inn um sérinngang og komið inn í anddyri. Frá anddyrinu er svo gengið upp stiga á aðalhæðina. Þar eru tvö svefnherbergi, svalir út frá því minna og fataherbergi innaf því stærra. Á milli svefnherbergjanna er baðherbergið, það er með aðstöðu fyrir þvottavél og þurrkara. Í rúmgóðu alrými má svo finna eldhús og samliggjandi stofu og borðstofu. Alrýmið er með björtum gólfsíðum gluggum og rennihurð. Frá alrýminu er gengið út á 20 fm þaksvalir. Þar er mögulegt að setja t.d. heitan pott og saunu.Innaf þaksvölunum er svo lítið geymsla ásamt því að það er stór geymsla í kjallara. Á lóðinni eru svo tvö sérbílastæði.

Nánari lýsing:
Lýsing og rafmagn
– Lumex hannaði lýsinguna en það á eftir að kaupa ljós.
– Eftir er að draga í rafmagn.
– Gert er ráð fyrir free@home snjallkerfi í húsinu.

Málning
– Búið er að heilspartsla, grunna og mála eina umferð í lit. Lokaumferð málningar fylgir með í söluverði.
– Málning og efni koma frá Sérefni.

Teppi
– Teppi í stigann og í stærra svefnherbergi ásamt lagningu á því fylgir með og kemur frá Parket & Gólf.

Hljóðdúkur
– Pons sér um hljóðdúk í kampavínslit. Uppsetning á hljóðdúk fylgir með í söluverði.
– Búið er að smíða ljósabracket fyrir hljóðdúkinn.

Nánari upplýsingar veitir:
Snorri Björn Sturluson löggiltur fasteignasali / lögfræðingur í síma 699-4407 eða snorribs@valholl.is

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.