Laugarnesvegur 50

Vernharð Þorleifsson lgf. og Magga Gísladóttir lgf. hjá RE/MAX  kynna:
Einstaklega glæsilegt einbýlishús með mikin karakter í Laugarnesi. Eignin hefur verið mikið endurnýjuð á síðustu árum og lögð hefur verið mikil áhersla á að hvert rými hafi sitt eigið yfirbragð og einkenni.
Húsið stendur á hornlóð með stórum, skjólgóðum og grónum bakgarði. 
Íbúðarhúsið er á þremur hæðum og er skráð 192,3 fm. Í kjallara er 38,9 fm íbúð með sérinngangi sem er í útleigu. Bílskúrinn er 46,2 fm, byggður árið 1966 og hefur verið útbúinn sem íbúð sem einnig er í útleigu.
Næg bílastæði eru í innkeyrslu fyrir framan bílskúr.
Við mælum eindregið með að eignin sé skoðuð nánar í meðfylgjandi þrívíddarskoðun þar sem hægt er að ganga í gegnum öll rými hússins og átta sig vel á skipulagi þess og möguleikum.
Linkurinn inn á 3D
Nánari lýsing eignar
Gengið er inn í anddyri þaðan sem farið er annars vegar upp á miðhæð hússins og hins vegar niður á jarðhæð/kjallara.
Á neðstu hæð er herbergi, geymslurými, þvottahús og gestasalerni með sturtuaðstöðu. Hægt er að ganga beint þar inn. 
Á miðhæð er aðalrými hússins. Þar eru eldhús, borðstofa, stofa og herbergi. Úr rýminu er útgengi á svalir og þaðan hægt að ganga niður í garðinn.
Á efstu hæð er fallegt baðherbergi með bæði sturtu og baðkari, tvö mjög rúmgóð herbergi og fataherbergi sem áður var herbergi en opnað á milli. Auðvelt væri að breyta því aftur og fá þannig þriðja herbergið á hæðinni.
Sitt hvoru megin í risinu eru kýrauga gluggar sem gefa rýminu dulúðlegan sjarma. Þar eru áhugaverðir möguleikar á að útbúa notalegt rými eða herbergi.
Fallegt eikarparket er á gólfum og glæsilegur stigi tengir hæðir hússins saman. Skrautlistar, rósettur og önnur klassísk smáatriði setja sterkan svip á eignina og undirstrika karakter hússins.
Garðurinn er afar skjólgóður og gróinn, hellulagður að hluta og með hita undir hellum og í bílainnkeyrslunni. Lagnir voru lagðar út í garð fyrir heitan pott. Garðurinn er afgirtur og sannkallaður sælureitur. Þar er smáhýsi sem upphaflega var hugsað sem gufubað en hefur ekki verið fullklárað sem slíkt. Ofnalögn og rafmagn til staðar. Tenging er komin í innkeyrsluna fyrir bílarafhleðslu.
Garðurinn snýr til suðvesturs og nýtur góðrar sólar.
Að sögn eigenda hafa eftirfarandi endurbætur verið gerðar á eigninni:
Baðherbergi uppi endurnýjað. Nýjar lagnir, flísalögn og tæki sett nýtt. Rafmagn á þeirri hæð tekið á sama tíma. Í kringum 2015.
Nýjar vatns- og raflagnir settar þegar eldhús var endurnýjar í kringum 2021. Á sama tíma var gólf á þeirri hæð flotað og eikar planka parket lagt. 
Baðherbergi á neðstu hæð endurgert 2023.
Ný rafmagnstafla fyrir alla eignina.
Íbúð í kjallara gerð upp 2024. Eldhús, baðherbergi og gólfefni. Nýtt rafmagn, tafla, neysluvatnslagnir og frárennslislagnir. 
Íbúð í bílskúr gerð upp í kringum 2018. Eldhúsaðstaða, baðherbergi, og gólfefni. Nýtt rafmagn og tafla. Neysluvatnslagnir og ofnalagnir.

Húsið var upphaflega byggt árið 1926 og fagnar því 100 ára afmæli á þessu ári. Um árabil var rekin í húsinu þekkt hverfisverslun sem þjónustaði íbúa svæðisins og margir muna kannski enn eftir.
Þetta er einstaklega heillandi eign með mikla sögu, fallegt yfirbragð og fjölbreytta möguleika. Við sannarlega mælum með henni.
Frekari upplýsingar veita:
Vernharð Þorleifsson lgf.
Sími 699 7372
venni@remax.is
Magga Gísladóttir lgf.
Sími 698 7494
magga@remax.is