Smyrilshlíð 3

ALLT fasteignasala kynnir í einkasölu eignina Smyrilshlíð 3, 102 Reykjavík, nánar tiltekið eign merkt 01-04. *** Laus við kaupsamning***

Vel skipulögð og vel staðsett tveggja herbergja 68,4fm. íbúð á jarðhæð með palli sem snýr inn í garð. Sér stæði lokaðri í bílageymslu, merkt N052 fylgir íbúðinni. Íbúðin er skráð 68,4 fm., þar af er sér geymsla 6,5 fm.

Um er að ræða nýlegt og gott hús með lyftu, byggingarár hússins er 2020. Góður, fallegur og skjólgóður inngarður er á milli húsanna með gróðri, göngustígum, bekkjum og leiksvæði með leiktækjum.

Íbúðin skiptist í anddyri/gang, opið alrými með eldhúsi, borðstofu og stofu. Rúmgott svefnherbergi og baðherbergi með þvottaaðstöðu. Útgengi er út á góðar svalir úr stofu. Sameiginleg hjóla- og vagnageymsla er í sameign.

Harðparket á gólfum að undanskildu baðherbergi, þar eru flísar á gólfi.

Nánari upplýsingar veita:
Páll Þorbjörnsson Löggiltur fasteignasali,
í síma 560-5501, tölvupóstur pall@allt.is.

Helgi Bjartur Þorvarðarson lögfræðingur/löggiltur fasteignasali,
í síma 770-2023, tölvupóstur helgi@allt.is.
 
Nánari lýsing eignar:
Gengið er inn mjög snyrtilegan sameiginlegan inngang fyrir framan hús eða komið inn um bílageymslu. Íbúðin er á 1. hæð, komið er inn í anddyri/gang með hvítum fataskáp, þaðan er gengið inn í opið og bjart alrými með gólfsíðum gluggum. Alrými samanstendur af stofu, borðstofu og eldhúsi. Útgengi er út frá stofu út á góðar svalir. Eldhús er opið inn í stofu með hvítri innréttingu á vegg. Innfelldur ísskápur og innfelld uppþvottavél. Bökunar ofn er í vinnuhæð og Spanhelluborð er í eldhúsi. Svefnherbergið er bjart og rúmgott með hvítum fataskáp/fataskápum. Baðherbergi er með hvítri innréttingu með handlaug og skúffum þar fyrir neðan. Speglaskápur þar fyrir ofan með lýsingu í. Upphengt salerni og sturta með sturtugler þar við hlið ásamt handklæðaofni. Flísalagðir veggir við sturtu. Inn á baðherbergi er innskot fyrir þvottavél og þurrkara sem fylgja með.

Seljandi smíðaði skjólveggi á palli sem gerir notagildi hans gott, með útiljósi ásamt tengill er til staðar fyrir t.d hitara. Usb tenglar komnir á þremur stöðum í íbúðinni. 

Sérgeymsla er staðsett í sameign um 6,5 fm. að stærð. Einnig er sameiginleg hjóla- og vagnageymsla.
Sér bílastæði í lokaðri bílageymslu fylgir íbúð ( merkt NO52), Bílhleðslustöð til staðar fyrir rafmagnsbíla.
Sameiginlegur skjólgóður inngarður er á milli húsanna með gróðri, göngustígum, bekkjum og leiksvæði með leiktækjum.

Staðsetning er góð og eftirsótt í göngufæri við miðbæ Reykjavíkur á veitingahús, söfn, tónleika, sund eða niður á Tjörn. Íþróttaaðstaða Vals er við Hlíðarenda svæðið því stutt að fara fyrir börn og unglinga sem búa á svæðinu. Gönguleiðir um Öskjuhlíðina ásamt flottum hjólreiðaleiðum allt í kring. 

Vegna mikillar eftirspurnar vantar okkur allar tegundir eigna á skrá. Hafðu samband og við munum verðmeta eign þína þér að kostnaðarlausu.

Mjög virkt og gott húsfélag. Formenn eru á launum við að sinna húsfélagi.
 
ALLT fasteignasala er staðsett á eftirfarandi stöðum:
Hafnargötu 91, 230 Reykjanesbæ - Þverholti 2, 270 Mosfellsbæ
 
Kostnaður kaupanda:
1. Af gjaldskyldum skjölum skal greiða 0,8% af fasteignamati ef kaupandi er einstaklingur, fyrstukaupendur 0,4% og 1,6% af fasteignamati ef kaupandi er lögaðili.
2. Þinglýsingargjald á hvert skjal er kr. 2.700.
3. Lántökugjald fer eftir verðskrá lánastofnunar hverju sinni.
4. Umsýslugjald til ALLT fasteignasölu er kr. 69.440 m/vsk.
5. Sé um nýbyggingu um að ræða greiðir kaupandi skipulagsgjald, 0,3% af brunabótamati, þegar það er lagt á.

Skoðunar- og aðgæsluskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. ALLT fasteignasala vill beina því til væntanlegs kaupanda að kynna sér ástand fasteignar vel við skoðun og fyrir tilboðsgerð. Ef þurfa þykir er ráðlagt að leita til sérfræðifróðra aðila. Forsendur söluyfirlits: Söluyfirlit þetta er samið af fasteignasala til samræmis við lög um sölu fasteigna og skipa nr. 70/2015. Upplýsingar þær sem koma fram í söluyfirliti þessu eru sóttar í opinberar skrár, frá seljanda og eftir atvikum til húsfélags. Seljandi veitir upplýsingar um eignina til samræmis við upplýsingaskyldu sína sbr. lög um fasteignakaup nr. 40/2002. Fasteignasali sannreynir að upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteignar sem ekki eru aðgengilegir og sjást ekki með berum augum, eins og t.d. lagnir, dren, skólp og þak.