Hávegur 3

Betri Stofan Fasteignasala kynnir eignina Hávegur 3, 580 Siglufjörður, nánar tiltekið eign merkt 02-01, fastanúmer 213-0325 ásamt öllu því sem eigninni fylgir, þar með talið tilheyrandi lóðar og sameignarréttindi. Eignin Hávegur 3 er skráð sem hér segir hjá FMR: Eign 213-0325, birt stærð 75.1 fm.

Nánari upplýsingar veitir Arndís Erla Jónsdóttir , í síma 690-7282, tölvupóstur arndis@betristofan.is.

Um er að ræða íbúð í fjórbýli með sérinngang og sameiginlegu háalofti með mikla möguleika. Eignin samanstendur af forstofu, eldhúsi,búri, stofu, tveimur til þremur svefnherbergjum, baðherbergi, þvottahúsi, geymslu/herbergi og háalofti. Gengið er inn á efri hæð eignarinnar frá götu. Háloft er sameiginlegt með íbúð við hlið eignarinnar með sérinngangi. Háaloft er skipt til helminga og möguleiki á setja hurð á milli. 

Forstofa: er með flísum á gólfi og ágætis fatahengi. 
Eldhús: er opið frá gangi og stofu með ljósri viðar innréttingu og parket á gólfi. 
Búr: er inn af eldhúsi með opnanlegum glugga og góðu hilluplássi. 
Svefnherbergi: eru tvö á hæðinni og möguleiki á öðru upp á háalofti. Herbergin eru bæði parketlögð og annað með fataskáp. 
Baðherbergi: er inn af forstofu með flísum á gólfi og fibi tresbo plötum á veggjum. Frístandandi sturtuklefi, innrétting, vaskur, salerni, handklæðaofn og vifta. 
Þvottahús: er á háalofti með sér vatnstengi og frárennsli. 
Geymsla: er á háalofti í sérútbúnu herbergi sem möguleiki er á að stækka og nýta sem svefnherbergi. 
Háaloft: í opnu rými fyrir utan herbergi með þakglugga. Margir möguleikar eru á frekari nýtingu. Háaloft er í sameign tveggja íbúða.