Bólstaðarhlíð 56

Aldir fasteignir og Brynjólfur Snorrason, lgfs., kynna til sölu fjögurra herbergja íbúð á annari hæð að Bólstaðarhlíð 56 í Reykjavík.  Eignin er skráð 104,3 m². að stærð, þar af íbúðarrými 98,7m² og geymsla 5,6 m²,  og skiptist í forstofu, stofu, eldhús, þrjú svefnherbergi og baðherbergi með aðstöðu fyrir þvottavél og þurrkara auk sérgeymslu í sameign. Íbúðin er töluvert uppgerð og nýlega var húsið múrviðgert og málað auk þess sem flestir gluggar voru endurnýjaðir.

Nánari upplýsingar veitir Brynjólfur Snorrason, lgfs., brynjolfur@aldirfasteignir.is

Nánari lýsing.
Forstofa: Gengið upp teppalagða sameign og inn í flísalagða forstofu íbúðar.
Eldhús: Nýleg innrétting, gott skápapláss, ljósar borðplötur með marmaraáferð, innfelldur ísskápur og uppþvottavél og eyja með skúffum og innbyggðum frysti. Á gólfi eru flísar og frá eldhúsi er útgengt á skjólgóðar vestur svalir.
Borð- og setustofa: Í opnu rými með eldhúsi. Bjart rými með gluggum til vesturs og parketi á gólfi. 
Herbergi 1: Inn af forstofu, hvítur fataskápur. Parket á gólfi.
Herbergi 2: Snýr til austurs. Parket á gólfi. Aukin hljóðeinangrun í gluggum.
Hjónaherbergi: Rúmgott með stórum hvítum fataskáp. Parket á gólfi. Aukin hljóðeinangrun í gluggum.
Baðherbergi: Vegghengt salerni, handlaug, sturta, hvítur handklæðaofn, spegilskárpur og aðstaða fyrir þvottavél og þurrkara. 
Í kjallara húseignar er sérgeymsla íbúðar og sameiginleg hjóla- og vagnageymsla.

Fallegur garður með háum sígrænum trjám við Kringlumýrarbrautina. Bílastæði á malbikuðu plani. Aftan við hús er garðurinn gróinn. Nýleg viðarverönd, leiktæki og bílaplan með plastgrindum.

Stutt er í leikskóla, grunnskóla, framhaldsskóla og skóla á háskólastigi. Einnig stutt í verslanir og þjónustu í nágrenninu t.d Kringluna. 

Allar nánari upplýsingar um eignina veitir Brynjólfur Snorrason, lgfs., brynjolfur@aldirfasteignir.is

Aldir Fasteignir er ný fasteignasala sem varð til við samruna tveggja rótgróinna fyrirtækja, Heimilis fasteignasölu og Landmark fasteignamiðlunar. Með sameiningunni koma saman áratuga reynsla, víðtæk þekking og öflugur hópur fasteignasala sem saman myndar stóra og sterkari heild – allt með það að markmiði að veita viðskiptavinum okkar enn betri og persónulegri þjónustu.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900. 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
 
Aldir Fasteignir - við leiðum þig heim.
Hlíðasmára 14, 201 Kópavogur.  Opið frá kl. 9-16, mánudaga til föstudaga. 
Upplýsingar um starfsfólk má finna á heimasíðu Aldir Fasteignir og á Facebook.