Urriðakvísl 2

Nýtt á skrá! Urriðakvísl 2 í Reykjavík - Bókið einkasýningu hjá heimir@fastlind.is / 849-0672

Glæsilegt og vandað fjölskylduhús með 4-5 svefnherbergjum, afar fallegri lóð og stórum bílskúr.

Lind fasteignasala / Heimir Hallgrímsson lögg. fasteignasali kynnir afar fallegt og vel skipulagt 6 herbergja 233,8 fermetra einbýlishús á tveimur hæðum sem er teiknað af Agli Guðmundssyni arkitekt. Eignin skiptist í 104,7 fermetra aðalhæð, 88,6 fermetra efri hæð og rúmgóðan 40,5 fermetra bílskúr, samtals 233,8 fermetrar að stærð. Fjögur svefnherbergi eru í húsinu í dag (möguleiki að bæta við fimmta svefnherberginu á kostnað sjónvarpsherbergis á efri hæð). Um er að ræða afar vel staðsett hús í grónu fjölskylduhverfi (lokuðum botnlanga) við Urriaðkvísl 2 í Reykjavík. Húsið er afar sjarmernandi með aukinni lofthæð yfir efri hæð og brasilískri furu í loftum. Húsið hefur fengið mjög gott viðhald í gegnum árin og ber húsið þess vel merki að utan sem innan. Árið 2019 var sett nýtt stál á þakið og 2mm ál á alla þakkanta. Sama ár var húsið allt málað. Árið 2020 var baðherbergið á efri hæð endurnýjað á virkilega fallegan og vandaðan máta. Einnig var sett nýtt parket á alla efri hæðina og nýtt teppi á stiga á milli hæða.

Komið er inn í forstofu og þaðan er komið inn í hol þaðan sem hægt er að ganga inn í stofu, eldhús, þvottaherbergi og svefnherbergi I. Gengið er niður nokkur þrep að baðherbergi I. Útgengi er á verönd frá stofu og úr þvottaherbergi á stétt við bílskúr.  Frá holi er gengið upp stiga þar sem eru 3-4 svefnherbergi, sjónvarpsstofa og baðherbergi II. Auk þess er útgengi á svalir úr hjónaherbergi efri hæðar. Bílskúr er frístandandi og gerir hverfisskipulag ráð fyrir heimild vegna aukaíbúða í bílskúrum sem þessum. Útigeymsla (7 fermetra) er staðsett við gafl á bílskúr.

Falleg 691,0 fermetra gróin lóð með hellulögðum bílastæðum með snjóbræðslu að hluta. Lóðin er falleg með tyrfðum flötum og fallegum gróðri. Rúmgóð verönd sem snýr til suðurs og vesturs þar sem sólar nýtur allan daginn. Húsið er staðsett í rólegum botnlanga í námunda við afar fallegar göngu- og hjólaleiðir í næsta nágrenni við Elliðaárdalinn. 

Nánari lýsing:
Neðri hæð:
Forstofa: Flísar á gólfi og skápar.
Eldhús: Með flísum á gólfi og fallegri viðar eldhúsinnréttingu. Flísar á milli skápa, bakaraofn, keramik helluborð og tengi fyrir uppþvottavél. Borðkrókur og gluggar til suðurs og austurs.
Stofa: Er rúmgóð, með flísum á gólfi og fallegum arni. Gluggar eru til suðurs, vesturs og norðurs. Útgengi frá stofu á verönd.
Verönd: Er rúmgóð og afgirt. Falleg kvöldlýsing í grindverki og markísa sem nær yfir hluta af verönd. Virkilega skjólgóð og falleg verönd sem hefur verið vel við haldið.
Svefnherbergi I: Með teppi á gólfi, skápum og glugga til norðurs.
Þvottaherbergi: Er rúmgott með flísum á gólfi og góðri innréttingu með vinnuborði og vaski. Tenglar fyrir þvottavél/þurrkara með hækkun fyrir betri vinnuhæð ásamt stæði fyrir auka kæliskáp/frystiskáp. Opnanlegur gluggi til austurs og útgengi á stétt við bílskúr.
Baðherbergi I: Með flísum á gólfi og hluta veggja. Sturta, salerni og vaskur ásamt glugga til norðurs.

Efri hæð: Gengið upp fallegan teppalagðan stiga með glugga til norðurs.
Sjónvarpsstofa (hægt að loka af og bæta við svefnherbergi): Með harðparketi á gólfi og aukinni lofthæð. Gluggar til austurs og góð lokuð súðageymsla.
Svefnherbergi II (hjónaherbergi): Er stórt með aukinni lofthæð, harðparketi á gólfi og góðum skápum. Lokuð súðageymsla og glugga til vesturs. Útgengi á svalir.
Svalir: Svalir snúa inn í bakgarð hússins til vesturs.
Baðherbergi II: Var endurnýjað árið 2020 á afar fallegan máta. Stórt með flísum á gólfi og gólfhita. Flísalögð sturta með innb. Hansa blöndunartækjum. Mikið skápapláss er á baðherbergi og falleg innrétting við vask með speglaskáp fyrir ofan. Upphengt salerni, handklæðaofn og gluggi til suðurs.
Svefnherbergi III: Er stórt með harðparketi á gólfi og skápum. Aukin lofthæð og gluggar til austurs.
Svefnherbergi IV: Með harðparketi á gólfi, aukinni lofthæð og glugga til vesturs.

Bílskúr: Er stór, eða 40,5 fermetrar að stærð. Frístandi með nýju stáli á þaki og 2mm áli á þakköntum eins og á húsinu sjálfu. Rafmagnsopnun á bílskúrshurð og inngangshurð vestan megin við bílskúr. Gluggar til norðurs, austurs og suðurs.

Útigeymsla: Er 7 fermetrar óeinangruð og óupphituð við gafl á bílskúr.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672