Brekkusel - auka íbúð 29

**Eignin er seld með fyrirvara um sölu - velkomið að hafa samband og fá upplýsingar um gang mála - atli@betristofan.is **

Betri Stofan fasteignasala Borgartúni 30 kynnir nýtt í einkasölu. Fallegt og vel skipulagt endaraðhús á þremur hæðum ásamt bílskúr, sjö svefnherbergi / í dag sér íbúð á jarðhæð í útleigu. Frábært útsýni yfir borgina. Eignin telur:
Miðhæð, anddyri, forstofuherbergi, stórt og bjart alrými með frábæru útsýni, fallegt eldhús, snyrtingu, sér þvottahús og svalir.
Efri hæð, gott hol, þrjú svefnherbergi og glæsilegt baðherbergi.
Neðri hæð, í dag er hæðin nýtt til útleigu, Þrjú svefnherbergi, alrými/eldhús, anddyri og baðherbergi - sér inngangur er á hæðin en einnig er inngengt frá miðhæð.

Nánari lýsing: 
Komið er inn í anddyri, innaf anddyri er ágætt forstofuherbergi. Stofa - borðstofa mynda saman stórt og bjart parket alrými með parketi á gólfi - útgengt er á fínar svalir, frábært útsýni er af hæðinni. Eldhúsið er með fallegri innréttingu og góð skápaplássi. Á hæðinni er einnig flísalögð gestasnyrting og sér þvottahús.
Á efri hæðinni er komið upp í parketlagt fínt hol - hægt að nýta sem sjónvarpshol. Svefnherbergin á hæðinni eru þrjú með parketi á gólfi, úr hjónaherbergi er útgengt á svalir.  Baðherbergi á hæðinni er flísalagt og endurnýjað með hvítri innréttingu, vegghengdu salerni og einhalla sturtu með gleri.
Neðri hæðin er í dag nýtt til útleigu, innan gegnt er af miðhæðinni en einnig  sérinngangur og útgengt einnig á baklóð. Hæðin telur opið alrými með fínni eldhúsinnréttingu, parket og flísar á gólfi, ásamt þremur herbergjum. Baðherbergi á hæðinni er flísalagt og þvottahús.
Bílskúrinn er með rafmagni, opnara og vatni - þar er einnig fínt geymsluloft. 
Lóðin er falleg, baklóð er vel afgirt með stórum veröndum og grasflöt.

Þetta er vel skipulagt endaraðhús með mikla möguleika og ótrúlega fallegu útsýni.
Skipti á 3-4 herb íbúð skoðuð - sér inngangur stór kostur. 

Allar nánari upplýsingar veitir Atli S. Sigvarðsson lgf. í síma 899-1178 eða atli@betristofan.is